Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! OKTUBRE 2015

 DAMDAMAG ITI LUBONG

Maipapan iti Pamilia

Maipapan iti Pamilia

Adu a problema ti pakaipaspasanguan dagiti pamilia, ngem makatulong dagiti di agkupas a prinsipio ti Biblia tapno mapagballigianda dagita ken agbalinda a naragsak.

Africa

Sigun iti World Health Organization, masapul a rugian a pasusuen ti ina ti kayyanak nga anakna iti uneg ti maysa nga oras kalpasan a nayanak ken agtultuloy a ti gatasna laeng ti ipasusona agingga iti 6 a bulan. Ngem kuna ti UNICEF Regional Nutrition Adviser for Eastern and Southern Africa nga agtultuloy latta a maipatpatalastas ti di umiso a kapanunotan a ti “magatang a gatas para kadagiti maladaga ket kas kasayaat iti gatas ti ina.”

TI KUNA TI BIBLIA: “Ti asinoman nga awanan kapadasan maaddaan pammati iti tunggal sao, ngem daydiay nasaldet [wenno masirib] utobenna dagiti addangna.”—Proverbio 14:15.

Canada

Sigun kadagiti researcher idiay Montreal, dagiti annak dagiti istrikto unay a nagannak—dagidiay mangipapaaramid kadagiti nainget a paglintegan ken saan unay a nadungngo—ket 30% a dakdakkel ti posibilidadna nga agbalin a nakaluklukmeg no ikompara kadagiti annak a pinadakkel dagiti nagannak a balanse no iti kinadungngo ken panangdisiplina.

AMMOM KADI? Ginasgasuten a tawen a naisurat iti Biblia ti kasayaatan a pamay-an ti panangpadakkel kadagiti annak.—Colosas 3:21.

Netherlands

Adda naaramid a panagadal kadagiti pamilia a Dutch nga agpada nga agtrabtrabaho dagiti nagannak. Naammuanda a dagiti nagannak a saan a mangyaw-awid iti trabaho iti balayda ket nasaysayaat ti relasionda kadagiti annakda no ikompara kadagiti nagannak a mangisingsingit iti trabahoda iti panawen a para iti pamiliada. Kas pagarigan, no makitungtong dagiti nagannak iti telepono maipapan iti trabahoda uray no nalpasen ti oras ti trabaho, saanda a maited ti atension a kasapulan dagiti annakda.

PANUNOTEM: “Iti tunggal banag adda naituding [a kasayaatan] a tiempo.”—Eclesiastes 3:1.

Ammuem ti Ad-adu Pay

Posible nga Agbalin a Naragsak ti Pamiliam

Agbalin a naragsak ti panagasawam ken pamiliam no iyaplikarmo dagiti prinsipio ti Biblia.