Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! HUNIO 2015

 DAMDAMAG ITI LUBONG

Maipapan iti Aglawlaw

Maipapan iti Aglawlaw

Mangpatpataud ti daga iti presko nga angin, nasustansia a taraon, ken nadalus a danum, ngem kumarkaro met ti panangdadael ti tao kadagita a natural a proseso. Isu nga ikarkarigatan dagiti sientista a solusionan daytoy a problema.

Australia

Adu a danum a saan unay a naapgad ti naurnong iti baba ti lansad dagiti baybay (seabed). Maipagarup nga uray la umabot dayta iti 500,000 kilometro kubiko. “Adayo a nababbaba idi ti patar (level) ti baybay kumpara ita,” kuna ni Vincent Post iti Flinders University iti Adelaide, isu a nalawlawa idi ti kadaratan wenno daga iti igid ti baybay. No agtudo idi a tiempo, “maurnong ti danum kadagita a paset nga adda itan iti uneg ti baybay.” Namnamaen dagiti sientista a dagita a naurnong a danum iti baba ti lansad ti baybay ti makatulongto iti nasurok a 700 a milion a tattao nga agkurkurang iti nadalus a danum.

Sahara Desert

Napukawen ti 50% kadagiti kangrunaan a kita ti animal a masarakan idi iti Sahara wenno awanen ti 99% ti orihinal a paggigiananda. Saan laeng a ti riri dagiti nasion iti dayta a lugar ken ti nasaknap a panaganup ti rason. Kuna pay dagiti researcher nga uray no nagadu ti kita ti parsua iti desierto a kas met laeng iti kabakiran, “dagiti desierto ket saan unay a maik-ikkan dagiti sientista iti atension gapu iti kurang a pondo.” Isu a marigatan dagiti eksperto a mangsalbar ken mangmonitor kadagiti mapukpukawen a kita dagiti animal nga aggigian iti desierto.

Lubong

Natantia a 1 iti kada 8 a natay idi 2012 ket gapu iti polusion iti angin. Kuna ti World Health Organization nga “iti intero a lubong, ti kangrunaan itan a mamagpeligro iti salun-at ti tao a problema iti aglawlaw ket ti polusion iti angin.”

Ammuem ti Ad-adu Pay

Ania ti Panggep ti Dios Para iti Daga?

Ilawlawag ti Biblia no apay a pinarsua ti Dios ti daga, no kaano nga agpatingga ti panagsagaba, ken no ania ti agur-uray iti masanguanan para iti daga ken dagiti agnaed iti dayta.

Dadaelento Kadi ti Tao ti Daga?

Saan laeng nga impadto ti Biblia ti agdama a pannakadadael ti aglawlaw, no di ket uray ti pagbanaganna.