Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! PEBRERO 2015

 SUHETO ITI AKKUB

Makatulong Pay Laeng Kadi ti Biblia Agingga Ita?

Makatulong Pay Laeng Kadi ti Biblia Agingga Ita?

‘Ita pay laeng a nagbalinak a naragsak.’

MAHILIG idi ni Hilton iti boksing. Pito pay laeng ti tawenna ngem makilablabanen iti man uneg wenno ruar ti pagboboksingan! Idi adda iti haiskul, kaduana dagiti kabarkadana nga agbirok iti bugbogenda. “Agtakawak, agsugalak, agbuyaak iti pornograpia, mangbastosak kadagiti babbai, ken pagsasawak pay iti dakes ti dadakkelko,” kunana. “Para kadagiti nagannakko, awanen ti namnamak nga agbalbaliw pay. Idi nagraduarak iti haiskul, pimmanawakon iti balaymi.”

Idi nagawid ni Hilton kalpasan ti 12 a tawen, kasla saan a mamati dagiti dadakkelna iti nakitada! Ngamin, kalmadon, managteppelen, ken nadayawen ti anakda. Ania ti nakatulong iti nakaskasdaaw a panagbalbaliwna? Bayat ti iyaadayona, pinampanunotna a naimbag ti direksion ti biagna. Inadalna met ti Biblia tapno makitana no makatulong dayta a mangbalbaliw iti kababalinna. “Inyaplikarko dagiti nabasak iti Biblia,” kuna ni Hilton, “isu a binalbaliwak ti dati a personalidadko ken tinungpalko ti bilin ti Efeso 6:2, 3 a dayawek dagiti nagannakko. Ita pay laeng a nagbalinak a pudpudno a naragsak. Naparagsakko metten dagiti nagannakko, saan a kas idi a kanayon a pagladladingitek ida!”

Ipakita ti kapadasan ni Hilton a makatulong dagiti prinsipio ti Biblia ken adda bileg dagita a mangbalbaliw iti biag. (Hebreo 4:12) Usigentayo ti dadduma kadagitoy a prinsipio—kas iti kinamapagpiaran, panagteppel, kinamatalek iti asawa, ken ayat—ken no kasano a mapasayaat dagita ti biag.

Ammuem ti Ad-adu Pay

Ti Biblia—Ordinario Laeng Kadi a Libro?

Apay nga irisgo ti dadduma ti biagda tapno agbasa iti Biblia wenno tapno laeng maaddaan iti Biblia?