Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! PEBRERO 2015

 SUHETO ITI AKKUB | MAKATULONG PAY LAENG KADI TI BIBLIA AGINGGA ITA?

Dagiti Di Agkupas a Prinsipio—Kinamapagpiaran

Dagiti Di Agkupas a Prinsipio—Kinamapagpiaran

PRINSIPIO TI BIBLIA: ‘Siasinonto ti sangaili iti tolda ti Dios? . . . Daydiay magmagna nga awan pagkuranganna ken mangan-annurot iti kinalinteg ken agsasao iti kinapudno iti pusona.’Salmo 15:1, 2.

DAGITI PAGIMBAGANNA: Para iti kaaduan, napateg ti kinamapagpiaran ken panagbalin a napudno. Ngem kasanon no adda gundaway ti maysa a tao nga agkusit a di matiliwan? Ditan a makita no ania a talaga ti adda iti pusona, ti pudpudno a kinataona.

Kuna ni Raquel a paragatang iti suplay ti kompaniada: “Adda dagiti ahente a nangpadas a mangpasuksok kaniak. Inkarida a no isuda ti paggatangak, itedda kaniak ti dadduma a ‘diskuento’ imbes nga iti kompaniami. Ngem nalagipko ti balakad ti Biblia maipapan iti kinamapagpiaran isu a diak inawat. Idi naammuan dayta ti boss-ko, dimmakkel ti panagtalekna kaniak.”

No inawat ni Raquel ti pasuksok, alisto la koma nga immadu ti kuartana. Ngem kasanon no naduktalan ti boss-na? Makapagtalinaed ngata iti trabahona? Kasanon no agbirokto iti sabali a trabaho? Para ken Raquel, napatpateg ti konsiensiana ken ti panagraemna iti bagina. “Ti nagan isu ti pilien imbes a ti naruay a kinabaknang; ti pabor nasaysayaat ngem uray iti pirak ken balitok,” kuna ti Proverbio 22:1.

Nakaaramid ni Jessie iti nasayaat a reputasion kas mapagpiaran nga empleado

Mapagpiaran ken mapangnamnamaan met ni Jessie isu a nakaaramid iti nasayaat a nagan wenno reputasion iti boss-na. Ania dagiti nagunggonana? Saan la a napagbalin a manedyer no di ket naikkan pay iti nawaywaya nga iskediul iti trabahona. Kas resultana, ad-adun ti tiempona para iti asawana ken annakna ken kadagiti aktibidad ti relihionna.

Adda dagiti employer nga agbirok kadagiti agbalin nga empleadoda kadagiti grupo a pagaammo a mapagpiaran. Kas pagarigan, adda manedyer ti maysa a kompania iti Pilipinas a nagsurat iti lokal nga opisina dagiti Saksi ni Jehova tapno awisenna dagiti Saksi nga agaplay iti kompaniana. “Nagaget, mapagpiaran, ken napasnekda nga agtrabaho,” kunana. Ngem ti kangrunaan a maidaydayaw iti dayta ket ni Jehova a Dios, a mangisursuro kadatayo a ‘manggura iti dakes’ ken ‘mangayat iti naimbag.’—Amos 5:15.

Ammuem ti Ad-adu Pay

Kasanotayo a Magunggonaan Kadagiti Prinsipio ti Biblia?

Inlawlawag ni Jesus no apay a kasapulantayo ti panangiwanwan ken no ania ti dua a prinsipio ti Biblia a kapatgan.

Dagiti Moral a Prinsipio a Talaga a Mangpasayaat iti Biagtayo

Adu ti agkuna nga ‘Aramidem ti ammom nga umiso. Surotem ti ibagbaga ti pusom.’ Nainsiriban kadi dayta? Kitaem no kasano nga ipapaay ti Biblia dagiti mapagtalkam a prinsipio.