Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Agriingkayo!  |  Pebrero 2015

 INTERBIU | ANTONIO DELLA GATTA

No Apay nga Immikkat ti Maysa a Padi iti Relihionna

No Apay nga Immikkat ti Maysa a Padi iti Relihionna

KALPASAN ti 9 a tawen a panagadalna idiay Roma, naordenan ni Antonio Della Gatta kas padi idi 1969. Idi agangay, nagbalin a rektor, wenno manangaywan, iti maysa a seminario iti asideg ti Naples, Italia. Kalpasan ti napasnek a panagadal ken meditasion bayat ti kaaddana sadiay, napaneknekanna a ti relihion a Katoliko ket saan a naibatay iti Biblia. Inyestoriana iti Agriingkayo! dagiti panangikagumaanna a mangbirok iti Dios.

Iyestoriam man kadakami ti biagmo idi ubingka pay.

Nayanakak idi 1943 iti Italia. Bassit a barrio ti dimmakkelanmi nga agkakabsat. Mannalon ken karpintero ni tatangko. Pinadakkeldakami dagiti nagannakmi kas nasingpet a Katoliko.

Apay a kayatmo idi ti agbalin a padi?

Idi ubingak, maay-ayatanak a dumngeg kadagiti papadi idiay simbaan. Kaay-ayok ti bosesda ken dagiti makapasiddaaw a ritual isu a talaga a kayatko idi ti agbalin a padi. Idi 13 ti tawenko, inserreknak ni Nanang iti eskuelaan a mangsansanay kadagiti babbarito para iti nangatngato nga edukasion iti kinapadi.

Inadalyo kadi ti Biblia bayat ti pannakasanayyo?

Saan. Idi agtawenak iti 15, maysa kadagiti maestrok ti nangted kaniak iti libro dagiti Ebanghelio—ti pakasaritaan ti biag ken ministerio ni Jesus—ket namin-adu a binasak dayta. Idi 18 ti tawenkon, napanak idiay Roma tapno ageskuela kadagiti unibersidad a direkta nga ay-aywanan ti papa. Inadalko ti Latin, Griego, historia, pilosopia, sikolohia, ken teolohia. Nupay isaomi a sipipigsa dagiti teksto ti Biblia ken dimngegkami iti pannakaibasa ti Biblia iti dinominggo a sermon, saanmi nga aktual nga inadal ti Biblia.

Idi nagbalinka a rektor, nangisuroka met kadi?

Administratibo ti kangrunaan a trabahok. Ngem nangisuroak met kadagiti klase maipapan kadagiti bilin ti Second Vatican Council.

Apay a pinagduaduaam ti relihionmo?

Adda ngamin tallo a banag a nangriribuk iti panunotko. Ti simbaan ket makiramraman iti politika. Makonkonsintir dagiti dakes nga aramid dagiti klero ken miembrona. Adda met dagiti isursuro ti Katoliko a kasla di umiso. Kas pagarigan, kasano koma a ti Dios ti ayat agnanayon a dusaenna dagiti tattao no matayda? Ken talaga kadi a kayat ti Dios a ginasut a daras nga ulit-ulitentayo dagiti lualo bayat nga agus-usartayo iti rosario? *

Ania ti inaramidmo?

Agar-arubos ti luak a nagkararag iti panangiwanwan. Gimmatangak iti Jerusalem Bible dagiti Katoliko a kaipabpablaak iti Italian, ket rinugiak a binasa dayta. Maysa nga agsapa ti Domingo bayat nga ibitbitinko ti abitok kalpasan ti Misa, adda dua a lallaki nga immay iti seminario. Inyam-ammoda ti bagida kas Saksi ni Jehova. Nasurok a maysa nga oras a nagtutungtongkami maipapan iti Biblia ken ti ibagbagana no kasano a mailasin ti pudno a relihion.

 Ania ti impresionmo kadakuada?

Naapresiarko ti kombiksionda ken ti laingda a mangusar kadagiti teksto iti Katoliko nga edision ti Biblia. Idi agangay, sinarungkarannak ti maysa pay a Saksi a ni Mario. Naanus ken talaga a sumursurot iti tulagan ta kada alas nuebe ti bigat ti Sabado, umay iti seminario uray ania ti paniempo.

Ania ngay ti reaksion ti dadduma a papadi kadagita nga isasarungkar?

Inawisko ida kadagiti saritaanmi ngem saanda nga interesado nga agadal iti Biblia idinto ta kaykayatko dayta. Nagsayaat dagiti nasursurok kas iti no apay nga ipalpalubos ti Dios ti kinadakes ken panagrigrigat, a nabayagen a pinampanunotko.

Pinadasdaka kadi dagiti superiormo nga upayen iti panagadalmo iti Biblia?

Idi 1975, namin-adu a napanak idiay Roma tapno ilawlawagko dagiti opinionko. Pinadas dagiti superiorko a baliwan ti kapanunotak ngem dida man la inusar ti Biblia. Kamaudiananna, idi Enero 9, 1976, nagsuratak iti Roma ket imbagak nga umikkatakon a Katoliko. Kalpasan ti dua nga aldaw, pimmanawak iti seminario sa nagluganak iti tren tapno atendarak koma ti gimong dagiti Saksi ni Jehova iti kaunaan a gundaway. Ngem asamblea met gayam dayta ti adu a kongregasion. Amin a nakitak ket naiduma unay iti nakairuamak! Adda Biblia ti tunggal Saksi ken atentiboda kadagiti agsasao iti entablado bayat ti panangilawlawagda iti nadumaduma a topiko.

Ania met ngay ti reaksion ti pamiliam?

Nakaro ti ibubusor ti kaaduan kadakuada. Ngem naammuak a ti adingko a lalaki ket agpapayadal gayam kadagiti Saksi idiay Lombardy a maysa a rehion iti makin-amianan a paset ti Italia. Napanko kinita. Idi addaak sadiay, tinulongandak dagiti Saksi a mangbirok iti trabaho ken pagyanan. Iti maudi a paset daydi met la a tawen, nagbautisarak kas maysa kadagiti Saksi ni Jehova.

Nariknak met laengen a pudpudno a nasingedak iti Dios

Adda kadi pagbabbabawyam?

Awan a pulos! Nariknak met laengen a pudpudno a nasingedak iti Dios gapu ta ti pannakaammok kenkuana ket naibatay iti Biblia, saan nga iti pilosopia wenno tradision ti simbaan. Sikokompiansa ken sipapasnek payen a maisurok ti dadduma.

^ par. 13 Nalawag dagiti sungbat ti Biblia kadagita ken iti adu pay a saludsod. Kitaem ti PANNURSURO TI BIBLIA > SUNGBAT DAGITI SALUDSOD MAIPAPAN ITI BIBLIA.