Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! ENERO 2015

 LUGLUGAR KEN TATTAO

Panagpasiar Idiay Costa Rica

Panagpasiar Idiay Costa Rica

LIMA gasut a tawenen ti napalabas idi damo a dimmap-aw dagiti Espaniol iti daytoy a rehion. Inawaganda dayta iti Costa Rica (Nabaknang a Kosta), ta impagarupda no makasarakda iti nagadu a balitok—maysa a mision nga awan nagbanaganna. Imbes a gubuayan iti agkakapateg a metal, dayta a pagilian ket pagaammo itan a maysa kadagiti kaaduan iti nadumaduma nga animal ken mulmula ditoy daga.

Dagiti taga-Costa Rica ket pagaammo kas Ticos, gapu iti nakairuamanda a pananginayon iti “-ico” iti ungto ti sasao a pangtukoy kadagiti babassit. Kas pagarigan, imbes nga ibagada ti “un momento “ (aguray laeng), nalabit ibagada ti “un momentico” (aguray laeng bassit). Masansan met nga ibagada ti “¡pura vida!” (puro a biag!) tapno iyebkasda ti apresasion wenno iyaanamongda wenno ibagada ti “komusta” wenno “inkamin.”

Dagiti kabakiran ti Costa Rica ket aduan iti agduduma a kita ti mula ken animal a kas iti daytoy red-eyed tree frog (Agalychnis callidryas)

Maysa kadagiti paborito a putahe iti Costa Rica ket ti gallo pinto (literal a kaipapananna ti “turikturikan a kawitan”)—a buklen ti bagas ken bukbukel a nagsina ti pannakalutoda sa maigisa kadagiti rekado. Ti gallo  pinto ket mabalin a pamigat, pangaldaw, wenno pangrabii. Ti tradisional a mainum ket ti café chorreado—kape a mabukbokan iti napudot a danum a masagat iti lupot a naibitin iti kayo.

Adda agarup 450 a kongregasion dagiti Saksi ni Jehova iti Costa Rica. Maangay dagiti gimongda iti 10 a lengguahe a pakairamanan ti Costa Rican Sign Language ken dua a lengguahe a katutubo iti Costa Rica—ti Bribri ken Cabecar.

AMMOM KADI? Ginasut a bato a nalinis ken nasukog a sirkulo ti masarakan iti Costa Rica. Ti kadakkelan ket 2.4 a metro ti diametrona. Ti dadduma ket mapattapatta a nasurok a 1,400 a tawenen ti kabayagda. Awan ti asinoman a makasigurado no apay a naaramid dagita!

Nagtitimbukel a batbato