Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! DISIEMBRE 2014

Damdamag iti Lubong

Damdamag iti Lubong

Dead Sea

Maat-atianan ti Dead Sea iti agarup maysa a metro iti kada tawen. Madanagan ti dadduma nga interamente a maatianan dayta inton 2050. Agbirbirok dagiti opisial iti solusion. Ti maysa nga ad-adalenda nga opsion ket pagbalinenda a tamnay ti danum nga aggapu iti Red Sea tapno mausar ti tao sada ipaayus iti Dead Sea ti nabati iti dayta a proseso. Ngem maamak dagiti kritiko a dayta a plano ti mangdadael iti nagpaiduma a sistema ti ekolohia ti Dead Sea.

Germany

No aldaw ti Krismas, agarup 1/3 nga ad-adu dagiti mayospital gapu iti atake iti puso ngem iti sabali a tiempo, sigun iti surbey ti maysa a kompania ti insurance. Kuna ti kompania a dagiti kangrunaan a makagapu ket ti nakaro nga stress iti panagbirok kadagiti regalo ken ti nangato unay nga ekspektasion dagiti kapamilia ken gagayyem

Britain

Impakaammo dagiti Briton a sientista a ti Icelandic mollusk (maysa a kita ti kappo) a naipapan nga agarup 405 ti tawenna ket 507 met gayamen ti tawenna idi di inggagara a napapatay idi 2006. Dayta pay la ngarud ti kapautan ti panagbiagna nga animal * a naidokumento. Natay ti kappo idi inkabil dayta dagiti researcher iti freezer tapno maipan iti laboratorioda.

Latin America and the Caribbean

Iti komperensia a naangay idiay Havana, Cuba idi rugrugi ti 2014, indeklara ti 33 a nasion a miembro ti Community of Latin American and Caribbean States a ‘peace zone’ dagiti pagilianda babaen ti iyaanamongda a sitatalna a solbarenda dagiti panagriririda. Ni Ban Ki-moon a Secretary General ti United Nations ket karaman kadagidiay dimmar-ay.

^ par. 7 Saan a karaman iti termino a “kapautan ti panagbiagna nga animal” dagiti pinangen nga organismo, kas kadagiti korales, a maipagarup a rinibu a tawenen ti biagda.