Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! OKTUBRE 2014

 NADISENIO KADI?

Ti Saka ti Kabalio

Ti Saka ti Kabalio

MAKATARAY ti kabalio iti kapartak nga agingga iti 50 a kilometro kada oras. Nupay mamin-adu nga aggaraw, medio bassit la nga enerhia ti mausarna. Apay? Ti sekreto ket adda kadagiti saka ti kabalio.

Usigem ti mapasamak no agtartaray ti kabalio. No bumaddek iti daga, dagiti mabennat a masel ken pennet (tendon) kadagiti luppo ken gurongna ket agagsep iti enerhia ken kas iti mulye (spring), isublida ti enerhia a mangpaabante iti kabalio.

Bayat met nga agtartaray ti kabalio, napartak ti panagyegyeg dagiti sakana a mabalin a mangdangran kadagiti pennetna. Ngem dagiti masel kadagiti luppo ken gurongna ti agserbi a pannakakutson. Dayta nga estruktura ket aw-awagan dagiti managsirarak kas “naisangsangayan unay a disenio dagiti masel ken pennet” isu a nasiglat ken napigsa.

Ikagkagumaan dagiti inheniero a tuladen ti disenio dagiti saka ti kabalio tapno mausar kadagiti uppat-sakana a robot. Ngem sigun iti Biomimetic Robotics Laboratory iti Massachusetts Institute of Technology, komplikado ti diseniona isu a narigat a tuladen no mausar dagiti agdama a materiales ken pannakaammo iti inhenieria.

Ania ti makunam? Babaen kadi iti ebolusion a timmaud ti estruktura dagiti saka ti kabalio? Wenno nadisenio dayta?