Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! OKTUBRE 2014

Damdamag iti Lubong

Damdamag iti Lubong

United States

Dadduma a polis ket agus-usar iti teknolohia tapno nataltalged ti panangkamatda kadagiti lugan. Ti maysa a padpadasenda a pamay-an ket ti panangusar kadagiti compressed-air launchers a naikabit iti grills dagiti pagpatrolia a lugan. Dagita ti mangitiro iti GPS-trackable devices a dumket kadagiti makamkamat a lugan. Iti kasta, dagiti suspek ket mabalinen a tuntonen iti natalged a kapartak.

India

Matantiar nga iti kada oras, maysa a babai ti mapapatay gapu iti riri maipanggep iti sab-ong (dowry). Nupay iparit ti linteg ti panangted ken panangawat iti kasta, nasurok a 8,200 a babbai ti napapatay idi 2012 gapu ta pagarupen ti nobio wenno ti pamiliana a kurang ti sab-ong nga inted ti nobiana.

Switzerland

Adda babassit a sensor a naikabit iti tallo nga alpine swift (langaylangayan) iti lugar a pagpapaaduanda. Naammuan kadagita a sensor a dagita a billit ket diretso a nagtayab iti nasurok a 200 nga aldaw bayat ti iyaakarda idiay Africa. Dagiti laeng animal iti taaw ti naipadamag idi a mangar-aramid iti kasta a dirediretso a panagdaliasat.

Horn of Africa

Nang-hijack dagiti pirata iti 179 a barko iti baybay ti Horn of Africa iti nagbaetan ti Abril 2005 ken Disiembre 2012. Iti maysa a panagadal ti World Bank, natantiar nga aginggat’ $413 a milion (U.S.) a pangsubbot a kuarta ti naala dagiti pirata kadagita a krimen.