Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! SEPTIEMBRE 2014

 NADISENIO KADI?

Dagiti Neuron ti Dudon a Sensitibo iti Garaw

Dagiti Neuron ti Dudon a Sensitibo iti Garaw

UMAKAR dagiti pinangen a dudon nga umabut iti “80 a milion a dudon kada kilometro kuadrado.” Nupay kasta, saanda nga agdidinnungpar. Ania ti sekretoda?

Usigem: Iti tunggal likudan ti dua a komplikado a mata ti dudon, adda neuron a sensitibo iti garaw a maaw-awagan iti lobula giant movement detector (LGMD). No kasla adda dandanin madungpar ti dudon, paggarawen dagita a neuron dagiti payak ken sakana tapno dagus nga aglisi. Kinapudnona, maminlima a naparpartak ti panaglisina ngem iti panagkirem ti mata.

Gapu iti nadiskobre dagiti sientista maipapan kadagiti mata ken neuron ti dudon, nakaaramidda iti sistema a nai-program iti kompiuter a makatulong iti sinan lugan a robot a mangdetek ken aglisi iti sumungsungad a bambanag, uray no din kasapulan nga agusar iti komplikado a radar wenno infrared detector. Daytoy a teknolohia ket us-usaren dagiti managsirarak kadagiti lugan tapno makabitanda dagita iti napartak ken umiso a sistema ti pangalerto (warning system). Iti kasta, maksayan ti posibilidad ti panagdidinnungpar. “Nakaad-adu ti masursurotayo iti bassit nga insekto a kas iti dudon,” kinuna ni Propesor Shigang Yue iti University of Lincoln iti United Kingdom.

Ania ti makunam? Babaen kadi iti ebolusion a timmaud dagiti neuron ti dudon a sensitibo iti garaw? Wenno nadisenio dagita?

Ammuem ti Ad-adu Pay

No Apay a Mamati iti Dios ti Maysa a Diseniador iti Robot

Ibaga ni Propesor Massimo Tistarelli no apay a saanen a mamati iti ebolusion.

Talaga Kadi nga Adda Dios?

Adda lima a nabileg nga ebidensia ti Biblia.