Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! AGOSTO 2014

“Paliiwenyo a Sipapasnek Dagiti Tumatayab”

“Paliiwenyo a Sipapasnek Dagiti Tumatayab”

AGNANAED dagiti tumatayab iti amin a paset ti daga. Karamanda kadagiti parsua a kalakaan a paliiwen. Nadumaduma met ti itsura, kolor, kanta, nakakatkatawa a tignayda, ken kababalinda. Gapu iti dayta, makapainteres ken makaparagsak a paglinglingayan ti panangbuya wenno panangpaliiw kadakuada.

Masked weaver

Mabalin pay ketdi a paliiwem iti mismo a balaymo ti inaldaw a nakairuaman nga aramiden ti maysa a tumatayab a kas iti European blackbird nga agkarkaraykay tapno agbirok iti alinta wenno alumbayad, tyrant flycatcher nga agsipsiput kadagiti insekto, kalapati nga agar-arem, sallapingaw (swallow) a nakagaggaget nga agar-aramid iti umokna, wenno goldfinch a mangpakpakan kadagiti mabisin a sibongna.

Helmeted guinea fowl

Agbilibka iti dadduma a tumatayab—a kas kadagiti agila, falcon, ken kali—bayat nga agtaytayabda iti tangatang. Mabalin a maray-awka no makitam dagiti billit-tuleng nga agiinnagaw iti bassit a pedaso ti taraon, kalakian a kalapati nga agpappapansin iti kasla isnabera a kabaian, wenno grupo dagiti agkikiak a rose-pink ken gray galah nga agkalkalumbitin iti agpallapallayog a kable ti koriente gapu ta dida mabalanse ti bagida. Maayatanka met no makitam ti panaglabas ti nagadu a kannaway, tipor, wenno ganso a mapan iti sabali a lugar. Kinapudnona, rinibun a tawen a mapalpaliiw ti  kasta nga iyaakar. Gapu iti dayta, dagiti makabuya ket masmasdaaw iti abilidad dagiti tumatayab nga umakar iti adayo a lugar iti eksakto a tiempo. Kinapudnona, kinuna a mismo ti Namarsua: “Ti kannaway iti tangatang ammona ti tiempo a panagsublina. Ammo ti kalapati, ti pagaw ken ti sallapingaw ti tiempo a mapanda iti sabali a lugar.”Jeremias 8:7, Ti Baro a Naimbag a Damag Biblia.

Panangpaliiw Kadagiti Tumatayab Idi Panawen ti Biblia

Adu a tumatayab ti nadakamat iti Biblia a masansan a makaisuro kadagiti napateg a leksion. Kas pagarigan, maipapan iti abestrus (ostrich) ken iti nakaskasdaaw a kinapaspasna, kuna ti Dios iti lalaki nga agnagan iti Job: “Iti tiempo nga ipayakpakna dagiti payakna iti ngato, katawaanna ti kabalio ken ti nakasakay iti dayta.” * (Job 39:13, 18) Insaludsod pay ti Dios ken Job: “Maipagapu aya iti pannakaawatmo a ti kali tumayok, . . . wenno iti panagbilinmo aya a ti maysa nga agila tumayab nga agpangato?” (Job 39:26, 27) Ti leksion? Nakaskasdaaw ti maaramidan dagiti tumatayab uray no ditay ida tulongan. Dagiti abilidadda ket ebidensia iti kinasirib ti Dios, saan nga iti kinasiribtayo.

Nagsurat ni Ari Solomon maipapan iti “timek ti pagaw” a pagilasinan a dimtengen ti primabera (spring). (Kanta ni Solomon 2:12) Ti sallapingaw ket nadakamat met ti maysa a salmista idi nagsurat maipapan iti tarigagayna nga agserbi iti templo ti Dios. Medio umapal a kinunana: “Uray ti mismo a tumatayab nakasarak iti balay, ken ti sallapingaw maysa nga umok maipaay kenkuana, a nangikabilanna kadagidiay urbonna—ti naindaklan nga altarmo, O Jehova.”Salmo 84:1-3.

“Ti nailangitan nga Amayo taraonanna ida. Saan kadi a napatpategkayo ngem isuda?”—Mateo 6:26

Ni Jesu-Kristo ti nangibaga iti dadduma kadagiti kapintasan a pannakadakamat maipapan kadagiti tumatayab. Usigem dagitoy a sasao iti Mateo 6:26: “Paliiwenyo a sipapasnek dagiti tumatayab iti langit, agsipud ta saanda nga agmula iti bin-i wenno agani wenno agipempen kadagiti kamalig; kaskasdi a ti nailangitan nga Amayo taraonanna ida. Saan kadi a napatpategkayo ngem isuda?” Dayta a makapikapik nga ilustrasion ti mangipanamnama kadagiti pasurot ni Jesus a napategda iti Dios ken masapul a dida pulos pagdanagan ti pananggun-odda kadagiti kasapulanda iti biag.Mateo 6:31-33.

Ita, ti panangpaliiw kadagiti tumatayab ket nalatak a pagpalpaliwaan. Pagsiddaawendatayo ngamin gapu kadagiti nakakatkatawa a tignayda, kinapintasda, ritualda nga aginnarem, ken panagkantada. Adda met dagiti napateg a leksion iti biag a maisuroda kadagiti managpanunot nga agpalpaliiw. Kayatmo met kadi a ‘paliiwen a sipapasnek dagiti tumatayab’?

^ par. 6 Ti abestrus ti kadakkelan a sibibiag a billit, ken kapartakan a tumataray, ta agingga iti agarup 72 a kilometro iti kada oras ti insiwet a matarayna.

Ammuem ti Ad-adu Pay

Dagiti Maadaltayo Kadagiti Tumatayab

Dagiti adda dutdotna nga animal ipakitada ti laing ti Dios nga agparsua ken pagpanunotendatayo no ania a talaga ti napateg.