Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! HULIO 2014

 SUHETO ITI AKKUB | NO DUMTENG TI TRAHEDIA—KASANO A MAIBTURAM?

No Dumteng ti Trahedia

No Dumteng ti Trahedia

DANDANI amin ket makapasar iti trahedia. Karaman iti dayta dagiti tattao a kasla adda aminen kadakuada.

TI KUNA TI BIBLIA:

“Ti lumba awan kadagiti nasiglat, ti gubat awan met kadagidiay mannakabalin, ti taraon awan met kadagiti masirib, ti kinabaknang awan met kadagidiay mannakaawat, ti parabur awan met uray kadagidiay addaan pannakaammo; agsipud ta ti tiempo ken ti di mapakpakadaan a pasamak mapagteng kadakuada amin.”Eclesiastes 9:11.

Saan ngarud a no maipasangoka iti trahedia ti mapagsasaritaan ditoy no di ket no ania ti reaksionmo no maipasangoka iti dayta. Kas pagarigan:

  • Kasanon no napukawmo ti amin a sanikuam gapu iti natural a didigra?

  • Kasanon no nadayagnos nga adda makapapatay a sakitmo?

  • Kasanon no natay ti ay-ayatem iti biag?

Mamati dagiti Saksi ni Jehova a mangipabpablaak iti daytoy a magasin a matulongannaka ti Biblia tapno madaeram ti dumteng a trahedia ken tapno maaddaanka iti natibker a namnama. (Roma 15:4) Usigem ti tallo a kapadasan a mangipakita no kasano.