Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! HULIO 2014

Damdamag iti Lubong

Damdamag iti Lubong

United States

Adda tiempo idi 2012 a 14.5% kadagiti pamilia iti U.S.—agdagup iti 49 a milion a tattao—ti “saan a sigurado a maaddaan ken di pay ketdi makagatang ti dadduma iti umdas a taraon tapno masustentuan dagiti kasapulan ti amin a miembro ti pamiliada,” sigun iti statistics ti Department of Agriculture.

Spain

Sigun iti maysa a panagadal kadagiti estudiante iti unibersidad, inamin ti agarup 56% kadagiti babbai ken 41% kadagiti lallaki a nalabes ti panaginumda, a denipinar daytoy a panagadal kas ti panaginum iti di kumurang a walo a baso (para kadagiti lallaki) wenno innem a baso (para kadagiti babbai) iti maminsan la a tugawan.

Pacific Ocean

Natakuatan dagiti sientista a nangala kadagiti sampol iti kauneg nga agarup 11,000 a metro idiay Mariana Trench nga agbibiag sadiay dagiti bakteria ken dadduma pay a mikrobio—nupay nakasipsipnget, nakapigpigsa ti pressure ti danum, ken nakalamlamiis ti temperatura. Naipagarup idi a manmano laeng ti agbiag iti kasta a kauneg.

United Arab Emirates

Itay nabiit pay, intukon dagiti autoridad ti Dubai kadagiti umilina ti maysa a gramo a balitok, agarup $45 (U.S.) idi a tiempo, para iti tunggal 1 a kilo a maksay iti timbangda, tapno malapdan ti iyaadu dagiti sobrat’ lukmegna. Tapno maawatda ti balitok, masapul nga agparehistro dagiti umili ken 2 a kilo ti masapul a kababaan a maksay iti timbangda bayat ti bulan ti Ramadan.