Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! HUNIO 2014

Damdamag iti Lubong

Damdamag iti Lubong

China

Bigla a ngimmato iti 41% ti bilang dagiti nagdiborsio idiay Beijing iti immuna a 9 a bulan ti 2013 no idilig iti isu met la a tiempo idi 2012. Mamati dagiti eksperto a mabalin a gapu dayta kadagiti agassawa a mayat a lumiklik iti naipatungpal itay nabiit a 20% a capital gains tax kadagiti mailaklako a balay. Iti dadduma a kaso, daytoy a baro a buis ket saan nga agaplikar iti asinoman nga agdiborsio nga agassawa a mangilaklako iti maysa pay a balayda.

Lubong

Insingasing ti United Nations a posible a masolbar ti malnutrision no ad-adu a tattao ti mangan kadagiti insekto. Gapu ta nasustansia dagiti makan nga insekto ken mangmanganda kadagiti banag a saan a mabalin a kanen dagiti tattao, “nasayaat dagita a kasukat ti karne,” kuna ti nabiit pay a report. Ngem inadmitir ti report nga “adda dagiti tattao a dida kayat ti mangan” kadagiti insekto.

Canada

Mariribukan dagiti fertility clinics kadagiti legal ken moral nga isyu no ania ti aramidenda kadagiti frozen human embryos (napreserba iti freezer a pertilisado nga itlog ti tao) a saanen a matunton “dagiti makinkua” kadagita. Naipadamag nga iti maysa laeng a clinic, addaan dayta iti 1,000 nga embryos a kukua dagiti “nagpukawen” a pasiente ti in vitro fertilization.

Ireland

Dua laeng idi ti mabalin a pagpilian dagiti Katoliko nga agkasar idiay Ireland—panagkasar iti simbaan wenno hues. Ngem idi 2013, adda nainayon—ti panangkasar ti maysa a grupo dagiti humanist (mamati nga agbalin a naragsak ken nasayaat ti biag uray awan relihion). Sigun iti impadamag ti Reuters, “gapu ta adu ti di mayat iti simple a kasar iti hues ngem dida met kayat ti agkasar iti simbaan, kasta unay ti immaduan dagiti mayat nga agpakasar” kadagiti mangituktukon iti baro a pagpilian.