Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! PEBRERO 2014

Damdamag iti Lubong

Damdamag iti Lubong

United States

Kada tawen, makagasto ti pribado nga employer iti ekstra a $5,816 para iti maysa a mannigarilio nga empleadona no idilig iti saan a mannigarilio, kuna ti New York Times. Sigun iti impormasion a naurnong dagiti managsirarak iti Ohio State University, ti napattapatta nga average a mainayon a gasto ket gapu kadagiti tiempo a pumanaw biit ti empleado tapno agsigarilio, dakdakkel a magasto iti pannakaaywan ti salun-at, ken panaglangan iti trabaho. Ti sabali pay ket ti bassit a matrabahuan a posible a maigapu kadagiti epekto ti panangisardeng iti bisio a panagsigarilio.

Italy

“Madaddadael ti kredibilidad ti Simbaan gapu ta saan nga ar-aramiden dagiti papadi ken deboto ti ibagbagada.”—Pope Francis.

Malaysia

Kinompiskar dagiti opisial iti Malaysia ti 24 a tonelada a naipuslit a marfil—nasurok a 1,000 a saong wenno pangil ti elepante—a nailemmeng iti dua a kargamento ti mahogany. Sigun kadagiti mangilablaban iti pannakaprotektar ti aglawlaw, dayta pay laeng ti kadakkelan a nakompiskarda. Naggapu ti kargamento idiay Togo a maipan koma idiay China.

Africa

Iti 2012 a report ti World Health Organization, 63% kadagiti natay ket gapu iti makaakar a saksakit, kangrunaanna ti HIV/AIDS, panagtakki, malaria, TB, ken sakit dagiti ubbing.

Australia

Gagangayen kadagiti ubbing dagiti simulated-gambling apps (applications) iti selpon ken dadduma pay a gadyet. Dadduma nga apps ket mangtulad kadagiti aktual a sugal iti casino ngem nalaklaka ti mangabak. Impakdaar ti maysa a report ti gobierno a nalabit pagbalinen dagita nga ay-ayam a legal kadagiti ubbing ti panagsugal “ken nalabit agbalindanto a sugador iti masanguanan.”