Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

AGRIINGKAYO! ENERO 2014

 TULONG PARA ITI PAMILIA | AGTUTUBO

No Kasano a Malabanan ti Di Nasayaat nga Impluensia ti Kakadua

No Kasano a Malabanan ti Di Nasayaat nga Impluensia ti Kakadua

TI PROBLEMA

“Idi agtawenak iti 10 agingga iti 13, saan a kayat ti adu a kaeskuelaak ti makigayyem kaniak. Nasakit dayta isu nga idi agtawenakon iti 14, binaliwak ti itsurak ken kababalinko, ngem saan nga iti nasayaat a pamay-an. Kayatko unay ti maaddaan iti gagayyem isu a nagpaimpluensiaak kadagiti kaeskuelaak tapno laeng magustuandak.”—Jennifer, 16. *

Maipaspasangoka kadi iti di nasayaat nga impluensia ti kakaduam? No wen, matulongannaka daytoy nga artikulo tapno malabanam dayta.

No tumulokka kadagiti di nasayaat nga impluensia ti kakaduam, kaska la robot nga awan panunotna gapu ta agpakpakontrolka iti sabsabali. Dimo koma ipalubos dayta!—Roma 6:16.

TI MASAPUL A MAAMMUAM

Agaramid iti dakes dagiti nasingpet a tattao gapu iti di nasayaat nga impluensia ti kakadua.

“Dagiti dakes a pannakitimpuyog dadaelenda dagiti makagunggona nga ugali.”—1 Corinto 15:33.

“No dadduma, makaaramidtayo iti ammotayo a dakes gapu ta kayattay unay a maay-ayo ti sabsabali!”—Dana.

Saan la nga iti kakadua ti paggapgapuan ti di nasayaat nga impluensia.

“No kayatko nga aramiden ti umiso, ti dakes ti adda kaniak.”Roma 7:21.

“Masansan a siak ti paggapuan ti mariknak a di nasayaat nga impluensia. Siak a talaga ti mangayat iti pagiistoriaan ti kakaduak ken iti panamagbalinda a makapagagar unay kadagita.”—Diana.

No malabanam ti di nasayaat nga impluensia, maipagpannakkelmo dayta.

“Salimetmetanyo ti naimbag a konsiensia.”1 Pedro 3:16.

“Marigatanak unay idi a manglaban iti di nasayaat nga impluensia ti kakaduak. Ngem ita, diakon mabuteng nga agbalin a naiduma ken maitakderakon dagiti desisionko. Naimas ti turogmo no nadalus ti konsiensiam.”—Carla.

 TI MABALINMO NGA ARAMIDEN

No maipasangoka iti impluensia ti kakaduam nga agaramid iti dakes, padasem dagitoy:

Panunotem dagiti epektona. Isaludsodmo iti bagim, ‘Kasanon no nagpaimpluensiaak ket natiliwandak? Anianto ngata ti panunoten dagiti nagannakko? Anianto ti panagkitak iti bagik?’—Prinsipio ti Biblia: Galacia 6:7.

“Damagen no kua dagiti dadakkelko, ‘Ania ti mabalin a mapasamak kenka no tumulokka?’ Tultulongandak a mangpanunot a pagdaksak ti itutulok iti di nasayaat nga impluensia ti kakaduak.”—Olivia.

Pabilgem ti determinasionmo. Isaludsodmo iti bagim, ‘Apay a patiek a makadangran daytoy kaniak wenno iti sabsabali?’—Prinsipio ti Biblia: Hebreo 5:14.

“Idi ubingak, umanayen nga ibagak ti saan wenno sumungbatak la bassit. Ngem ita, mailawlawagkon no apay nga aramidek wenno diak aramiden ti maysa a banag. Maitakderak dagiti patpatiek maipapan iti umiso ken di umiso. Aggapu a mismo kaniak ti sungbat, saan nga iti sabali.”—Anita.

Panunotem ti reputasionmo. Isaludsodmo iti bagim, ‘Ania a kita ti tao ti kayatko a pagbalinan?’ Kalpasanna, panunotem ti pakaipaspasanguam a di nasayaat nga impluensia sa isaludsodmo, ‘Ania ti aramiden ti kasta a tao iti daytoy a situasion?’—Prinsipio ti Biblia: 2 Corinto 13:5.

“Kontentoakon iti kinasiasinok isu nga awan bibiangko iti pampanunoten ti dadduma kaniak. Maysa pay, kaykayatdak ti kaaduan ta saanak a plastik.”—Alicia.

Panunotem ti masanguanan. No ages-eskuelaka pay, sumagmamano a tawen wenno bulan laengen, dimonton malagip dagiti mismo a kayatmo a maay-ayo ita.

“Kinitak ti retratomi kadagiti kaklasek idi. Diakon malagip ti nagan ti dadduma kadakuada. Ngem idi agkakaduakami pay idiay eskuelaan, napatpateg ti opinionda ngem iti panangsurotko kadagiti patpatiek. Talaga a nagkamaliak idi!”—Dawn, 22 itan.

Agsaganaka. Kuna ti Biblia: ‘Ammuenyo no kasano ti rebbeng nga isusungbat iti tunggal maysa.’—Colosas 4:6.

“Dakami ken adingko ket tultulongan dagiti nagannakmi nga agpanunot kadagiti situasion sa iyaktomi dagita tapno inton maipasangokami iti aktual a kasasaad, ammomin ti aramidenmi.”—Christine.

^ par. 4 Nabaliwan ti dadduma a nagan iti daytoy nga artikulo.

Ammuem ti Ad-adu Pay

SALUDSOD DAGITI AGTUTUBO

Kasanok a Masaranget ti Sulisog?

Ammuem dagiti praktikal nga addang a mabalinmo nga aramiden tapno malimitaram wenno naan-anay a maliklikam ti sulisog.

SALUDSOD DAGITI AGTUTUBO

Kasano No Pilitendak a Makiseks?

Adda kadi pagsayaatanna no tumulokka? Pagbabawyamto ngata?