Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! ENERO 2014

 SUHETO ITI AKKUB

Naisangsangayan a Web Site

Naisangsangayan a Web Site
  • BASAEM ti Biblia iti agarup 50 a lengguahe ken dagiti naibatay-Biblia a linaonna iti nasurok a 500 a lengguahe.

  • BUYAEM ti linaonna iti dandani 70 a sign language.

  • SAWAREM ti site iti ginasut a lengguahe.

  • DENGGEM dagiti audio drama maipapan kadagiti makapainteres a pasamak iti Biblia.

  • KITAEM no kasano a mabiag dagiti pasamak iti Biblia babaen kadagiti nailadawan nga estoria.

  • BUYAEM dagiti naibatay-Biblia a drama ken video a makatulong kenka a mangsango kadagiti problema iti biag.

  • AGI-DOWNLOAD kadagiti e-books, artikulo ti magasin, ken audio files. Amin ket libre.

  • AG-RESEARCH iti agduduma a topiko babaen ti Watchtower ONLINE A LIBRARIA a naglaon iti nagadu nga impormasion iti nasurok a 100 a lengguahe.

 PARA KADAGITI AGASSAWA

“Kayatko a naragsak ti pamiliak. Adda dagiti problemami nga agassawa ket kimmaro dagita idi naaddaankami iti annak. Kasapulanmi ti tulong”

TI KUNA TI BIBLIA:

“Babaen iti kinasirib mabangonto ti maysa a sangakabbalayan, ket babaen iti panangilasin mapaneknekanto dayta a naipasdek a sititibker.”—Proverbio 24:3.

DAGITI MAKATULONG A FEATURES TI WEB SITE

Ti seksion nga “Agassawa ken Nagannak” ket makatulong kenka a mangsango kadagiti problema a kas kadagitoy:

  • No kasano a mapagballigian ti umuna a ­tawen ti panagasawa

  • Pannakibagay kadagiti katugangan

  • Panangdisiplina kadagiti annak

  • Panagriri

  • Panangsolbar kadagiti problema mainaig iti kuarta

(Kitaem ti PANNURSURO TI BIBLIA > AGASSAWA KEN NAGANNAK)

Ti Sekreto ti Kinaragsak iti Pamilia ket libro a naglaon iti adu a topiko maipapan iti pamilia, ­manipud iti panagsagana para iti panagasawa ­bayat a baro wenno balasangka pay ken ti panangaywan kadagiti nataenganen a nagannak.

(Kitaem ti PUBLIKASION > LIBRO KEN BROSHUR)

 PARA KADAGITI NAGANNAK

“Dagiti annakko ti kapatgan kaniak. Kayatko a maipagpannakkelko ida inton dadakkeldan”

TI KUNA TI BIBLIA:

“Sanayem ti ubing sigun iti dalan nga agpaay kenkuana; uray no lumakay saanto a sumiasi iti dayta.”—Proverbio 22:6.

DAGITI MAKATULONG A FEATURES TI WEB SITE

Ti seksion nga “Ubbing” ket naglaon ­kadagiti nailadawan nga estoria ti Biblia, ­ladawan para iti aktibidad ti pamilia, video, ken kadagiti masursuro iti Biblia a makatulong kenka a mangisuro iti annakmo nga ­agbalin a . . .

  • natulnog

  • naasi

  • mannakibagay

  • nairuam a mangibaga iti “pagyamanan”

(Kitaem ti PANNURSURO TI BIBLIA > UBBING)

Ti Librok Dagiti Estoria ti Biblia ken Agsursuroka iti Naindaklan a Mannursuro ket libro nga addaan kadagiti nagpipintas a ladawan a nadisenio nga ibasam iti annakmo.

(Kitaem ti PUBLIKASION > LIBRO KEN BROSHUR)

 PARA KADAGITI TIN-EDYER

“Kayatko a maammuan dagiti suhestion no ka­sano a sanguen dagiti problema mainaig iti ­eskuelaan, nagannakko, gagayyemko, ken kasungani a sekso. Sa­anakon nga ubing isu a diak kayat ti masermonan”

TI KUNA TI BIBLIA:

“Agrag-oka . . . iti kinaagtutubom.”—Eclesiastes 11:9.

DAGITI MAKATULONG A FEATURES TI WEB SITE

Ti seksion a “Tin-edyer” ket addaan kadagiti video ken artikulo a makatulong ­kenka . . .

  • no malidlidayanka

  • no adda problemam iti eskuelaan

  • no adda sinukirmo a bilin ti nagannakmo

  • no adda mangbul-bully wenno mangbasbastos kenka

(Kitaem ti PANNURSURO TI BIBLIA > TIN-EDYER)

Ti tomo 1 ken 2 ti Dagiti Saludsod nga Iyimtuod ti Agtutubo—Dagiti Sungbat nga Epektibo ti mangsungbat iti 77 a napapateg a ­saludsod a masansan a mayimtuod.

(Kitaem ti PUBLIKASION > LIBRO KEN BROSHUR)

 PARA KADAGIDIAY KAYATDA TI AGSURSURO MAIPAPAN ITI BIBLIA

“Kayatko a maawatan ti Biblia. Ania ti masapul nga aramidek?”

TI KUNA TI BIBLIA:

“Amin a Kasuratan impaltiing ti Dios ken makagunggona iti panangisuro.”—2 Timoteo 3:16.

DAGITI MAKATULONG A FEATURES TI WEB SITE

Ti Baro a Lubong a Patarus ti Nasantuan a Kasuratan ket umiso ken nalaka a maawatan a patarus ti Biblia.

(Kitaem ti PUBLIKASION > BIBLIA)

Ti seksion a “Sungbat Dagiti Saludsod Maipapan iti Biblia” ket mangted kadagiti nalawag a sungbat kadagiti saludsod kas iti “Ti Dios kadi ti makimbasol iti panagsagabatayo?” ken “Apay a matay ti tao?”

(Kitaem ti PANNURSURO TI BIBLIA > SUNGBAT DAGITI SALUDSOD MAIPAPAN ITI BIBLIA)

Iti panid nga “Agkiddaw iti Libre a Panagadal iti Biblia,” mabalinmo a kiddawen ti libre a panagadal iti Biblia.

(I-click-mo ti link nga “Agkiddaw iti Libre a Panagadal iti Biblia” iti home page)

“Insardengko a basaen ti Biblia gapu ta diak maaw-awatan. Ngem nasdaawak idi inadalko dayta babaen iti libro nga ‘Ania a Talaga ti Isursuro ti Biblia?’ ta naglaka gayam a maawatan.”—Christina.

Kada aldaw, agarup 700,000 a tattao ti mangluklukat iti jw.org. Padasem met!