Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! SEPTIEMBRE 2013

Damdamag iti Lubong

Damdamag iti Lubong

Arctic

“Ti kapuskol ti yelo iti kalgaw ket 1⁄4 laengen no idilig 30 a tawenen ti napalabas,” kuna ni Peter Wadhams a propesor ti ocean physics iti University of Cambridge, Britain. Idi 2012, agarup 50 a barko ti naglayag iti Northern Sea Route a mabalinen a pagdaliasatan gapu iti panagbara ti globo.

Lubong

Ti gatas a patauden dagiti ina sumagmamano nga aldaw kalpasan a nagpasngayda ket natakuatan nga addaan iti nasurok a 700 a kita ti bakteria—ad-adu ngem iti impagarup dagiti eksperto. Ad-adalen pay laeng dagiti eksperto no ania ti maitulong dagitoy a bakteria iti sistema ti panagrunaw ken iti resistensia ti maladaga.

Britain

Idi inadal dagiti sientista a Briton dagiti nagmaneho iti simulated driving (kasla aktual a panagmaneho babaen iti kompiuter), naammuanda a nabumbuntog nga agtignay dagiti agpanateng ngem kadagidiay nakainum.

Democratic Republic of Congo

Mapaspasaran ti Africa ti aw-awagan ti dadduma kas ti “kakaruan pay laeng” a panangpapatay iti pinullo ribu nga elepante kada tawen tapno maala ti marfilda. Iti maysa nga insidente, sumagmamano nga elepante ti napaltogan iti tuktok ti uloda. Agminar a nakahelikopter ti pimmaltog.

Australia

Iti napalabas a 27 a tawen, natay ti 1⁄2 kadagiti sibibiag a korales ti Great Barrier Reef. Kuna dagiti sientista a ti kaaduan a pannakadadael ket gapu kadagiti napigsa a bagyo, panagkaan dagiti crown-of-thorns starfish [Acanthaster planci], ken ti panagpuraw dagiti korales a maigapu iti ingangato ti temperatura ti taaw.