Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Agriingkayo!  |  Hunio 2013

 LUGLUGAR KEN TATTAO

Panagpasiar Idiay Panama

Panagpasiar Idiay Panama

NALATAK unay ti Panama gapu iti kanal a pagdaliasatan dagiti barko. Dayta ti mamagkonektar kadagiti taaw Atlantico ken Pacifico. Ngem gapu ta pagkonektarenna ti Amianan ken Abagatan nga America, ti Panama pagkokonektarenna met dagiti tattao. Adda iti daytoy a pagilian ti nadumaduma a puli ken kultura. Kaaduan kadagiti umili ket kaputotan dagiti katutubo ken Europeo.

AMMOM KADI? Ti maysa a kita ti tukak a maawagan iti Panamanian golden frog (Atelopus zeteki) “ipayapayna” ti kammaunana tapno maatrakarna dagiti posible a maasawana ken mapakdaaranna dagiti karibalna

Idi 1501, nakadanon iti Panama dagiti Espaniol nga eksplorador. Nasarakanda ti adu a puli dagiti katutubo a ti dadduma ket adda pay laeng agingga ita. Ti maysa kadagita ket ti Guna (maawagan idi iti Kuna). Adu a Guna ti agnanaed iti komunidad dagiti katutubo iti San Blas Archipelago ken iti igid ti Caribbean  Coast nga asideg iti beddeng ti Panama ken Colombia. Sadiayda nga aganup, agbilog nga agkalap, ken agmula iti pagtaraonda.

Iti kagimongan dagiti Guna, no mangasawa ti maysa a lalaki, makipagnaed iti pamilia ti asawana ken agtrabaho para kadakuada. No babai ti mayanak ni baketna, mabalinen a sumina kadagiti katuganganna ken mangbangon iti bukodna a pamilia.

Adda agarup 300 a kongregasion dagiti Saksi ni Jehova iti Panama. Malaksid iti Espaniol, maang-angay dagiti gimong iti Chinese, English, Gujarati, Guna, Haitian Creole, Ngabere, ken Panamanian Sign Language.