Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! HUNIO 2013

 NADISENIO KADI?

Ti Flipper ti Humpback Whale

Ti Flipper ti Humpback Whale

NO IDILIG iti bus, dakdakkel ken nadagdagsen ti nataengan a humpback whale—maysa a kita ti balyena. Nupay kasta, naisangsangayan ti kinasiglat daytoy a nagdakkelan a mamalia no bumatok ken agpusipos. Apay? Ti maysa a makagapu ket dagiti tambukor kadagiti flippers wenno pannakapayakna.

Usigem: Napalanas ti makinsango a pingir dagiti flippers ti kaaduan a balyena ken dadduma pay a mamalia iti taaw. Ngem saan a kasta ti humpback whale. Addaan dayta kadagiti naisangsangayan a dadakkel a tambukor (maawagan iti tubercles) iti makinsango a pingir dagiti flippers-na. Bayat nga aglanglangoy, agayus ti danum kadagiti tambukor ken agpataud iti nagadu nga alikuno. Gapu kadagiti tambukor, naan-annayas ti ilalasat ti danum iti flippers-na ken mapataud ti alikuno. Babaen iti dayta, nalaklaka nga agpangato ken mabalinna a bigla nga ipuligos dagiti flippers-na nga agtultuloy latta ti langoyna. Uray sumuba ti flippers-na, naannayas latta ti panaglangoyna ta dagita a tambukor ti mangkissay iti mangguyod a puersa ti danum. Makatulong unay dayta kadagiti atiddog a flippers ti humpback, a tunggal maysa ket agarup 1/3 ti kaatiddog ti bagina.

Dayta nga ideya ket us-usaren dagiti managsirarak tapno makaaramidda kadagiti mas episiente a timon ti barko, turbina a patayyeken ti danum, molino ti angin (windmill), ken paligpalig ti helikopter.

Ania ti makunam? Babaen kadi iti ebolusion a timmaud ti flipper ti humpback whale? Wenno nadisenio dayta?