Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! MAYO 2013

Damdamag iti Lubong

Damdamag iti Lubong

United States

Iti napalabas a 10 a tawen, nakakompiskar dagiti parasukimat iti airport iti agarup 50 a milion a maiparit a banag, sigun iti report ti Department of Homeland Security ti U.S. Idi laengen 2011, nalapdanda ti pannakaiserrek ti nasurok a 1,200 a paltog kadagiti eroplano. Impambar ti kaaduan a pasahero a nalipatanda laeng nga adda awitda a paltog.

Brazil

Rinugian dagiti autoridad iti edukasion ti mangikabit iti electronic chips iti uniporme dagiti estudiante tapno malapdan ti panagbulakbolda. Makaawat ti nagannak iti teks no nadetek dagiti sensor a simmangpeten ti anakna iti eskuelaan ken sabali a teks no naladaw iti nasurok a 20 a minuto.

Norway

Saanen a ti Lutheran Church ti opisial a relihion ti Norway. Iti damo a gundaway, inkeddeng ti Parliamento ti Norway a rebisaren ti konstitusion ken palukayen ti singgalut ti Relihion ken Gobierno.

Czech Republic

Kuna ti 2/3 kadagiti nasurbey nga empleado a taga-Czech Republic a mariknada nga obligadoda a mangsungbat kadagiti awag, e-mails, wenno teks a mainaig iti trabaho no awanda iti pagtrabahuan. Ibilang ti nasurok a 1/3 a kinabastos ti di panangsungbat a dagus kadagita.

India

Iti laksid ti dandani 50% a yaadu ti produksion ti taraon iti India iti napalabas a 20 a tawen ken ti 71 a milion a tonelada a bagas ken trigo a nakapempen, agpakpakarigat pay laeng daytoy a pagilian a mangtaraon iti umilina. Agarup 40% laeng iti nakapempen a bagas ken trigo ti makadanon kadagiti pagtaengan dagiti umili. Ti dadduma a makagapu ket kurapsion ken panangsayang.