Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Agriingkayo!  |  Hulio 2011

Masapul nga Agpatinggan ti Panagsagabatayo!

Masapul nga Agpatinggan ti Panagsagabatayo!

 Masapul nga Agpatinggan ti Panagsagabatayo!

Nangrugi ti panagsagaba ni Khieu idi napapatay ni tatangna gapu ta binaybay-anna nga agdakiwas dagiti baka iti asideg a kamaisan. Idi agangay, ni nanangna ken ti dua a kabsatna a babbai ket pinatay dagiti rebelde a Komunista (Khmer Rouge) idiay Cambodia. Kalpasanna, nakabaddek ni Khieu iti naimula a bomba. Naguray iti 16 nga aldaw iti bakir sakbay a naarayat. Kapilitan a maputed ti gurongna. “Kayatko idin ti matay,” kinuna ni Khieu.

NALABIT mapalpaliiwmon a mabalin nga agsagaba ti uray siasino. Dagiti natural a didigra, sakit ken pisikal a depekto, naranggas a krimen, ken dadduma pay a trahedia ket umapay iti asinoman, sadinoman, ken kaanoman. Kasta unay ti panagregget dagiti manangtulong nga organisasion tapno maliklikan wenno maep-ep man laeng ti panagsagaba ti tattao. Ngem ania ti resulta dagita?

Usigem ti maysa a pagarigan—ti panangparmek iti bisin. Sigun iti diario a Toronto Star, adu ti naawanan iti pagtaengan ken taraon gapu kadagiti natural a didigra. Ngem ipadamag ti diario a “gapu iti kumarkaro a kinaranggas, malaplapdan ti tulong dagiti ahensia a mangikagkagumaan a mangparmek iti bisin.”

Ar-aramiden met dagiti lider iti tay-ak ti politika, kagimongan, ken medisina ti amin a kabaelanda a mangep-ep iti panagsagaba, ngem dida naballigi. Iti laksid dagiti programa a mangparang-ay iti ekonomia, adda latta kinakurapay. Ti amin a sakit ket di mapagpatingga dagiti bakuna, agas, ken moderno a panagopera. Bayat nga agtultuloy wenno kumarkaro ti naranggas a krimen, awan ti maaramidan dagiti polis ken puersa militar a mangtagtaginayon iti talna.

Apay a nakaad-adu ti agsagsagaba? Maseknan kadi ti Dios kadakuada? Minilionen ti nakasarak iti makaliwliwa a sungbat manipud iti Biblia, kas makitatayo.