Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! MARSO 2011

5—Paregtaem ti Bagim ken Pamiliam

5—Paregtaem ti Bagim ken Pamiliam

“Tunggal maysa a nasaldet agtignayto a buyogen ti pannakaammo.” (Proverbio 13:16) No adda pannakaammom maipapan iti salun-at, matulongan ken maparegtaka a mangaramid kadagiti kasapulan a panagbalbaliw tapno nasalsalun-atka ken ti pamiliam.

Itultuloymo ti agsursuro. Iti adu a pagilian, adda dagiti pribado ken pangpubliko nga institusion a mangipapaay kadagiti literatura ken mangisursuro iti nadumaduma a topiko maipapan iti salun-at. Aprobetsarem dagita, ken agsursuroka kadagiti simple a pamay-an a pangpasayaat iti salun-at ken panglapped iti panagsakit. Sidadaanka koma nga agsursuro ken mangaramid kadagiti simple a panagbalbaliw.

Dagiti nasayaat nga ugali a nasursurom ken iyap-aplikarmo ket makagunggona met kadagiti annakmo ken iti agbalinto nga annakda. No mapagwadan dagiti nagannak iti kinadalus, pannaturog, panagehersisio, pannangan iti nasustansia, ken panangliklik iti sakit, posible a tuladento met ida ti annakda.—Proverbio 22:6.

Ania pay ti kasapulan? Saan nga umdas ti pannakaseknan iti bagi tapno agbalin ken agtalinaedka a nasalun-at. Mabalin a narigat nga iwaksi dagiti nakairuaman a dakes nga ugali, isu a masansan a kasapulan ti nabileg a determinasion tapno maaramid uray dagiti simple a panagbalbaliw. Uray no addan peggad nga agsakitda iti grabe wenno matayda, saan latta nga aramiden ti dadduma ti ammoda a pagsayaatanda. Ania ngarud ti kasapulan? Kas kadatayo amin, kasapulan a sipapanunotda iti natantan-ok a panggep, wenno kalat, iti biag.

Masapul nga agtalinaed a nasalun-at ti agassawa tapno kanayonda a makapagtinnulong. Kayat ti nagannak a maitultuloyda a suportaran ken sanayen ti annakda. Ti dadakkelen nga annak masapul nga aywananda dagiti nataenganen a kapamiliada. Mainayon pay iti dayta ti nagsayaat a tarigagay a tumulong iti komunidad imbes nga agbalin a padagsen. Amin dagitoy ket gapu iti ayat ken pannakaseknan iti sabsabali.

Ti nabilbileg pay a rason ket ti panagyaman ken debosion iti Namarsua kadatayo. Dagiti mamati iti Dios kayatda a saluadan ti nagpateg a biag nga insagutna. (Salmo 36:9) No nasalun-attayo, naregregtatayo nga agserbi iti Dios. Awanen ti napatpateg wenno nasaysayaat pay a rason tapno saluadantayo ti salun-attayo.

Tagiragsakem dagiti pagimbagan ti nasalun-at a panagbiag