Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! NO. 4 2016

 TOPIKO ITI AKKUB | MAYUGALIM DAGITI NASAYAAT NGA ARAMID—KASANO?

3 Dika Sumuksuko

3 Dika Sumuksuko

Kuna ti maysa nga eksperto a kasapulan ti 21 nga aldaw tapno mayugali ti maysa a banag. Ngem ipakita dagiti research nga al-alisto ti dadduma a mangaramid iti dakkel a panagbalbaliw idinto ta nabaybayag ti dadduma. Maupayka kadin gapu iti dayta?

Okey, panunotem daytoy a situasion: Ipapanmo a kayatmo nga iyugali ti agehersisio iti mamitlo iti kada lawas.

  • Iti umuna a lawas, namitloka a nakaehersisio.

  • Iti maikadua a lawas, namindua laeng.

  • Iti maikatlo a lawas, namitlo manen.

  • Iti maikapat a lawas, dandani dika nakaehersisio uray naminsan.

  • Iti maikalima a lawas, namitloka manen a nakaehersisio ket nagtultuloy dayta agingga a nayugalimon iti kada lawas.

Samo la nairuam ti agehersisio kalpasan ti lima a lawas. Kasla napaut, ngem no naabutmo ti targetmo, maragsakanka la ketdi ta adda nayugalim a baro a nasayaat a rutina.

PRINSIPIO TI BIBLIA: “Daydiay nalinteg mabalin a matuang iti uray mamimpito a daras, ket sigurado a tumakderto.”Proverbio 24:16.

Kuna ti Biblia a dika sumuksuko. Ti importante ket saan a no mamin-anoka a matumba, no di ket no mamin-anoka a bumangon.

Ti importante ket saan a no mamin-anoka a matumba, no di ket no mamin-anoka a bumangon.

TI MABALINMO NGA ARAMIDEN

  • Dimo ipapan a no nagpaliakan, agnanayonen a kasta. Ekspektarem a mabalin nga agpaliaka bayat nga ikarkarigatam nga abuten ti planom.

  • Agpokuska kadagiti tiempo a saanka a pimmalia. Kas pagarigan, no ikarkarigatam a pasayaaten ti pannakisaritam kadagiti annakmo, isaludsodmo: ‘Kaano ti naudi a makabugbugkawenak kadagiti annakko, ngem diak inaramid? Imbes nga agbugkawak, ania ti inaramidko? Kasanok manen a maaramid dayta?’ Makatulong dagita tapno mas makapokuska kadagiti nasayaat a naaramidam imbes a kadagiti nagpaliaam.

Kayatmo kadi a maammuan ti dadduma pay a maitulong ti Biblia, kas iti no ania ti aramidem tapno kayam a sanguen dagiti pakadanagam, ken agbalinka a naragsak ken ti pamiliam? Makisaritaka kadagiti Saksi ni Jehova, wenno bisitaem ti website-mi a jw.org/ilo.

Ammuem ti Ad-adu Pay

Kasanotayo a Magunggonaan Kadagiti Prinsipio ti Biblia?

Inlawlawag ni Jesus no apay a kasapulantayo ti panangiwanwan ken no ania ti dua a prinsipio ti Biblia a kapatgan.