Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

AGRIINGKAYO! NO. 3 2016

 TOPIKO ITI AKKUB | SOLUSION ITI PANAGDUDUMA TI LENGGUAHE

Nasolusionan ti Problema idi Un-unana

Nasolusionan ti Problema idi Un-unana

AGDUDUMA ken nakaad-adu ti lengguahe iti lubong—sumurok-kumurang 7,000 iti agdama. Gapu iti dayta, mabalin nga adda tumaud a problema iti panagbiahe, negosio, edukasion, ken gobierno. Idi pay un-unana a kasta ti situasion. Kas pagarigan, idi agarup 475 B.C.E., iti panagturay ni Ari Ahasuero (posible a ni Xerxes I), indanon dagiti Persiano ti bilin ti ari iti intero a masakupanna, ‘manipud India agingga iti Etiopia, 127 a distrito, iti tunggal distrito iti bukodna nga estilo ti panagsurat ken iti tunggal ili iti bukodna a pagsasao.’ *

Ita, ti kaaduan nga organisasion—uray dagiti gobierno—dida kayat nga aramiden dayta a narigat a trabaho. Ngem adda organisasion a nagballigin a nangaramid iti dayta. Agar-aramid dagiti Saksi ni Jehova kadagiti magasin, audio ken video a publikasion, ken adu a libro—a pakairamanan ti Biblia—iti nasurok a 750 a lengguahe. Karaman kadagita ti sumurok-kumurang a 80 a sign language. Agar-aramid met dagiti Saksi iti agduduma a bersion ti Braille para kadagiti bulsek.

Kasta met, awan kuarta a maal-ala dagiti Saksi ni Jehova kas bayad iti panagbannogda. Kinapudnona, volunteer ti amin nga agipatpatarus (translator) ken ti dadduma a kakaduada nga agtrabtrabaho. Apay a kasta unay ti panagporsegida nga agipatarus iti adu a lengguahe, ken kasanoda nga ar-aramiden dayta?

^ par. 3 Kitaem ti Ester 8:9 iti Bibliam.