Mapan iti linaonna

Mapan iti listaan dagiti linaonna

 PASET 1

Kasanotayo a Dumngeg iti Dios?

Kasanotayo a Dumngeg iti Dios?

Agsasao ti Dios kadatayo babaen ti Biblia. 2 Timoteo 3:16

Indalan ti pudno a Dios dagiti lallaki tapno maisuratda ti kapanunotanna iti maysa a sagrado a libro, ti Biblia. Naglaon dayta iti napapateg nga impormasion a kayat ti Dios a maammuam.

Ammo ti Dios ti kasayaatan para kadatayo, ken isu ti Pagtataudan ti amin a sirib. Agbalinka a pudpudno a masirib no dumngegka kenkuana.​—Proverbio 1:5.

Kayat ti Dios a mabasa ti amin a tattao ditoy daga ti Biblia. Adda daytan iti adu a lengguahe.

No kayatmo ti dumngeg iti Dios, masapul a basaem ken tarusam ti Biblia.

 Adda dagiti dumngeg iti sadinoman a lugar. Mateo 28:19

Matulongandaka dagiti Saksi ni Jehova a mangtarus iti Biblia.

Isursuroda ti kinapudno maipapan iti Dios iti intero a daga.

Awan ti aniaman a bayadam no makipagadalka. Adda pay masursurom maipapan iti Dios iti Kingdom Hall dagiti Saksi ni Jehova.