Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Ania ti Pagarian ti Dios?

Ania ti Pagarian ti Dios?

Para kenka, dayta kadi ket . . .

  • banag nga adda iti pusom?

  • simboliko a sasao?

  • maysa a gobierno idiay langit?

 TI KUNA TI BIBLIA

“Mangipasdekto ti Dios ti langit iti maysa a pagarian a saanto a pulos madadael.”—Daniel 2:44, Baro a Lubong a Patarus.

“Adda ubing a lalaki a naited kadatayo! Ket isunto ti mangituray kadatayo.”—Isaias 9:6, Ti Baro a Naimbag a Damag Biblia.

TI MAIPAAYNA KENKA NO PATIEM DAYTA

  • Matulongannaka a mismo ti maysa a nalinteg a gobierno.—Isaias 48:17, 18.

  • Iti asidegen a baro a lubong, perpektonto ti salun-atmo ken naragsakto ti biagmo.—Apocalipsis 21:3, 4.

 MAPAGTALKANTAYO KADI TI KUNA TI BIBLIA?

Wen, gapu iti dua a rason:

  • Impakita ni Jesus dagiti aramidento ti Pagarian ti Dios. Insuro ni Jesus kadagiti pasurotna nga ikararagda nga umay koma ti Pagarian ti Dios ken maaramid koma ti pagayatan ti Dios ditoy daga. (Mateo 6:9, 10) Impakita ni Jesus no kasano a masungbatanto dayta a kararag.

    Bayat ti kaaddana ditoy daga, pinakan ni Jesus dagiti mabisin, pinaimbagna dagiti masakit, ken pinagbiagna manen dagiti natay! (Mateo 15:29-38; Juan 11:38-44) Kas ti Agturayto iti Pagarian ti Dios, nangipaay ni Jesus iti nasayaat a panirpatan iti aramidento dayta a Pagarian kadagiti iturayanna.—Apocalipsis 11:15.

  • Paneknekan dagiti kasasaad ti lubong nga asidegen ti Pagarian ti Dios. Impadto ni Jesus a sakbay nga iyeg ti Pagarian ti talna ditoy daga, maparigatto ti lubongtayo kadagiti gubat, bisin, ken ginggined.—Mateo 24:3, 7.

    Makitkitatayon a mismo dagita a kasasaad. Makapagtalektayo ngarud nga asidegen a pagpatinggaen ti Pagarian ti Dios amin dagita a problema.

 PANUNOTEM

Anianto ti kasasaad ti biag iti panagturay ti Pagarian ti Dios?

Sungbatan dayta ti Biblia iti SALMO 37:29 ken ISAIAS 65:21-23.

Ammuem ti Ad-adu Pay

Talna Ditoy Daga—Kasano a Mapasamak?

Ammuem no kasano nga inkari ti Dios nga iyegna ti talna ditoy lubong babaen ti Pagarian.

Ania ti Panggep ti Dios Para iti Daga?

Ilawlawag ti Biblia no apay a pinarsua ti Dios ti daga, no kaano nga agpatingga ti panagsagaba, ken no ania ti agur-uray iti masanguanan para iti daga ken dagiti agnaed iti dayta.