Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Dagiti Sumario iti What Can the Bible Teach Us?

9. Dandani Kadin ti Panungpalan ti Lubong?

9. Dandani Kadin ti Panungpalan ti Lubong?

1 IMPAKAAMMO KADATAYO NI JEHOVA TI MAPASAMAK ITI MASANGUANAN

“Daydiay a manipud punganay ibagbagana ti pagnguduan, ken manipud iti nabayagen a tiempo ti bambanag a saan pay a naaramid.”—Isaias 46:10

Ania ti ammotayo maipapan iti tiempo ti panungpalan?

  • Daniel 7:13, 14

    Nagbalin nga Ari ni Jesus idiay langit idi 1914.

  • Mateo 24:3-14

    Impakpakauna ni Jesus dagiti narigat a tiempo para kadagiti tattao.

  • Apocalipsis 12:7-9, 12

    Kalpasan unay a nagbalin nga Ari ni Jesus, pinapanawna ni Satanas idiay langit sana intapuak ditoy daga. Napalalo ti pungtot ni Satanas gapu ta ‘ababan ti [nabatbati a] tiempona’ sakbay nga ikkaten ti Dios isuna.

2 AGBIBIAGTAYON ITI TIEMPO TI PANUNGPALAN

“Anianto ti pagilasinan . . . ti panungpalan ti sistema ti bambanag?”—Mateo 24:3

Makitkitam kadin a matungtungpal dagiti padto ti Biblia?

  • Mateo 24:7; Lucas 21:11

    Adayo nga ad-adu ken nakarkaro itan dagiti makitkitatayo a gubat, panagbisin, ginggined, ken sakit.

  • 2 Timoteo 3:1-5

    Inladawan ni apostol Pablo ti panagug-ugali dagiti tattao iti maudi nga al-aldaw.

  • Daniel 12:4

    Tultulongan ti Dios dagiti agdaydayaw kenkuana tapno ad-adda pay a lumawag ti pannakaawatda iti Biblia.

  • Mateo 24:14

    Maikaskasaba ti naimbag a damag ti Pagarian iti intero a daga.

3 ARAMIDEM ITAN TI MANGPARAGSAK KEN JEHOVA

“Ni Jehova umay nga apagpag-isu a kas iti mannanakaw iti rabii.”—1 Tesalonica 5:2

Gapu ta nakaas-asidegen ti panungpalan ti lubong, ania ti masapul nga aramidem?

  • Juan 17:3

    Seriosuem ti panagadalmo iti Biblia.

  • Hebreo 10:24, 25

    Nayonam pay ti maad-adalmo babaen ti iyaatendermo kadagiti gimong dagiti Saksi ni Jehova.

  • Santiago 4:8

    Baliwam dagiti masapul a balbaliwam iti biagmo tapno agbalinka a nadekdekket iti Dios.

  • Lucas 21:34-36

    Liklikam dagiti makaistorbo, ken ipokusmo ti biagmo iti panagdayaw ken Jehova.