Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Dagiti Sumario iti What Can the Bible Teach Us?

8. Ania ti Pagarian ti Dios?

8. Ania ti Pagarian ti Dios?

1 TI PAGARIAN TI DIOS KET AGPAYPAYSO A GOBIERNO

“Umay koma ti pagariam. Maaramid koma ti pagayatam, kas sadi langit, kasta met iti daga.”—Mateo 6:9-13

Ania ti Pagarian ti Dios?

  • Apocalipsis 11:15

    Manipud idiay langit, iturayanto ti Pagarian ti Dios, wenno gobierno ti Dios, ti intero a daga.

  • 1 Timoteo 6:15

    Ni Jesus ti Ari ti Pagarian ti Dios.

  • Apocalipsis 14:1, 4

    Kaduanto ni Jesus nga agturay idiay langit ti 144,000 a napili a tattao.

  • Hebreo 4:15; 5:8

    Maawatan ni Jesus ken ti 144,000 ti marikriknatayo ken dagiti pakaipaspasanguantayo a problema.

2 NI JESUS TI KASAYAATAN NGA AGTURAY

“Buyogen ti kinalinteg ukomennanto dagidiay nanumo [wenno, marigrigat].”—Isaias 11:4

Apay a ni Jesus ti kasayaatan nga agbalin nga Ari ti Pagarian?

  • 1 Timoteo 6:16

    Matay amin dagiti agtuturay a tattao, ngem saanto a pulos matay ni Jesus. Agpautto iti agnanayon ti amin a naimbag nga aramidento ni Jesus para kadatayo.

  • Isaias 11:2-4

    Ad-adu ti naimbag a maaramidan ni Jesus ngem iti asinoman nga agturay a tao. Nabilbileg ngem iti amin nga agtuturay a tattao uray pagtitiponen ida. Awan idumdumana ken mannakipagrikna.

3 SIGURADUENTO TI PAGARIAN TI DIOS A MAARAMID TI PAGAYATAN TI DIOS

“Mangipasdekto ti Dios ti langit iti maysa a pagarian a saanto a pulos madadael.”—Daniel 2:44

Ania ti naaramidanen ti Pagarian? Anianto ti aramidenna iti masanguanan?

  • Apocalipsis 12:7-12

    Kalpasan a naipatugaw ni Jesus kas Ari idi 1914, pinapanawna ni Satanas idiay langit sana intapuak ditoy daga. Isu a napno ti intero a daga iti problema, saem, ken panagrigrigat.

  • Eclesiastes 8:9; Apocalipsis 16:16

    Inton Armagedon, dadaelento ti Pagarian ti Dios ti amin a naulpit ken korap a gobierno ti tao.

  • Salmo 37:10

    Madadaelto dagidiay agar-aramid iti dakes.

  • Apocalipsis 22:1-3

    Inton iturayanen ti Pagarian ti Dios ti daga, awanton ti agsakit wenno matay ken idaydayawton ti amin a tattao ti nagan ti Dios.