Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Dagiti Sumario iti What Can the Bible Teach Us?

7. Addanto Panagungar!

7. Addanto Panagungar!

1 PUKAWENTO NI JEHOVA TI IPAPATAY

“Ti maudi a kabusor, ni patay mapukawto.”—1 Corinto 15:26

Kasano a mangted ti Biblia iti pudno a liwliwa kadatayo no matayantayo?

  • 2 Corinto 1:3, 4

    No matay ti maysa a kapamilia wenno nadekket a gayyemtayo, mabalin a mariknatayo nga awanen ti makatulong kadatayo. Mangted ti Biblia kadatayo iti pudno a liwliwa.

  • Isaias 25:8; 26:19

    Adda pannakabalin ni Jehova a mangpukaw iti ipapatay iti agnanayon. Pagbiagennanto pay dagiti natay.

2 MAKAPAGTALEKTAYO NGA AGPAYPAYSO TI PANAGUNGAR

“Kunak kenka, Bumangonka!”—Marcos 5:41

Apay a makapagtalektayo nga agpaypayso ti panagungar?

  • Juan 11:1-44

    Pinagungar ni Jesus ni Lazaro.

  • Marcos 5:22-24, 35-42

    Pinagungar ni Jesus ti maysa a balasitang.

  • Juan 11:41, 42

    Pinagungar ni Jesus dagiti natay babaen iti pannakabalin a naggapu ken Jehova.

  • Juan 12:9-11

    Adu ti saksi a nakakita ken Jesus a nangpagungar kadagiti natay. Ammo met dagiti kabusor ni Jesus a kayana nga aramiden dayta.

3 BINILION A TATTAO TI PAGBIAGENTO MANEN NI JEHOVA

“Umawagkanto, ket siak sungbatankanto. Kailiwmonto ti aramid dagita imam.”—Job 14:13-15

Siasino dagiti mapagungar?

  • Juan 5:28, 29

    Agbiagto manen ti amin nga adda iti memoria ni Jehova.

  • Aramid 24:15

    Mapagungarto dagiti nalinteg ken nakillo a tattao.

  • Isaias 40:26

    Kabaelan ni Jehova a lagipen ti nagan ti tunggal bituen isu a nalakana laeng a lagipen ti amin a banag maipapan kadagiti pagbiagenna manen.

4 ADDA DAGITI TATTAO A MAPAGUNGAR TAPNO AGBIAG IDIAY LANGIT

“Mapanak tapno mangisaganaak iti lugar a maipaay kadakayo.”—Juan 14:2

Siasino dagiti mapagungar tapno agbiag idiay langit?

  • 1 Pedro 3:18

    Ni Jesus ti immuna a napagungar a tao tapno agbiag idiay langit.

  • Lucas 12:32

    Kinuna ni Jesus a bassit laeng a bilang dagiti adalanna ti mapagungar tapno agbiag idiay langit.

  • Apocalipsis 14:1

    144,000 ti bilang ti amin a pinili ni Jehova tapno agbiag idiay langit.