Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Dagiti Sumario iti What Can the Bible Teach Us?

6. Papanantayo No Mataytayo?

6. Papanantayo No Mataytayo?

1 NO MATAY TI MAYSA A TAO, AGPATINGGAN TI BIAGNA

“No maipapan kadagiti natay, saanda a pulos sipapanunot iti aniaman.”—Eclesiastes 9:5

Ania ti mapasamak kadatayo no mataytayo?

2 SAAN A PULOS KAYAT NI JEHOVA A MATAY DAGITI TATTAO

“No maipapan iti kayo ti pannakaammo iti naimbag ken dakes dika mangan manipud iti dayta, ta iti aldaw a manganka manipud iti dayta mataykanto a di bumurong.”—Genesis 2:17

Apay a mataytayo?

  • Genesis 3:1-6

    Nagulbod ni Satanas iti imbagana a mapasamak ken Eva no agsukir iti bilin ti Dios. Idi sinukir da Adan ken Eva ni Jehova, nagbasolda ket natayda idi agangay.

  • Genesis 3:19

    Idi natay ni Adan, awan isunan.

  • Roma 5:12

    Ti basol ket kasla nakaro a sakit a natawidtayo amin iti umuna a nagannaktayo. Nayanaktayo amin a managbasol isu a mataytayo.

  • 1 Corinto 15:26

    Awagan ti Biblia ti ipapatay kas maysa a kabusor.

3 TI KINAPUDNO MAIPAPAN ITI IPAPATAY WAYAWAYAANNATAYO

“No ti nabaneg a lalaki matay mabalinna kadi ti agbiag manen? . . . Agurayakto, agingga a ti gin-awak dumteng.”—Job 14:14

Ania dagiti kamali a kapanunotan a pakawayawayaantayo gapu ta naammuantayon ti kinapudno maipapan iti ipapatay?

  • 1 Juan 4:8

    Maysa nga insulto ken Jehova ti pannursuro maipapan iti impierno. Dina pulos ipalubos nga agrigat dagiti tattao iti kasta a pamay-an.

  • Apocalipsis 4:11

    Adu ti mabuteng kadagiti natay. Isu a dagiti natay ti kabuteng ken pagdayawanda imbes a ni Jehova. Ni Jehova ti pudno a Dios, ken isu laeng ti masapul a pagdayawantayo.