Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Dagiti Sumario iti What Can the Bible Teach Us?

5. Ti Subbot—Kapatgan a Regalo ti Dios

5. Ti Subbot—Kapatgan a Regalo ti Dios

1 KASAPULANTAYO AMIN TI SUBBOT

“Ti Anak ti tao immay . . . tapno itedna ti kararuana kas subbot a kasukat dagiti adu.”—Mateo 20:28

Apay a kasapulantayo ti subbot?

  • Genesis 3:17-19

    Idi nagsukir ni Adan iti Dios, napukawna ti espesial a pannakigayyemna ken Jehova, ti perpekto a biagna, ken ti Paraiso a paggigiananna.

  • Roma 5:12

    Gapu iti inaramid ni Adan, natawidtayo ti basol ken ipapatay.

  • Efeso 1:7

    Ti subbot ti pamay-an ni Jehova a mangwayawaya kadagiti tattao iti basol ken ipapatay.

2 INTED NI JEHOVA TI SUBBOT

“Ti Dios imbaonna ti bugbugtong nga Anakna ditoy lubong tapno magun-odantayo ti biag babaen kenkuana.”—1 Juan 4:9

Kasano nga inted ni Jehova ti subbot?

  • Salmo 49:7, 8

    Awan kadatayo ti makasubbot iti perpekto a biag a napukaw ni Adan.

  • Lucas 1:35

    Imbaon ni Jehova ditoy daga ti ipatpategna nga Anak tapno mayanak kas perpekto a tao.

  • Roma 3:23, 24; Hebreo 9:24

    Idi napagungar ni Jesus, nagsubli idiay langit. Intedna ken Jehova ti balor ti perpekto a biagna kas tao nga agserbi a subbot.

3 PUDNO A NAMNAMA GAPU ITI SUBBOT

“Punasennanto ti amin a lua kadagiti matada, ket awanton ni patay.”—Apocalipsis 21:4

Ania dagiti pagsayaatan nga ited ti subbot kadatayo?

  • 1 Juan 1:8, 9

    Mapakawan dagiti basoltayo.

  • Hebreo 9:13, 14

    Maaddaantayo iti nadalus a konsiensia iti sanguanan ti Dios.

  • Roma 6:23

    Adda namnamatayo nga agbiag nga agnanayon.

  • Galacia 2:20

    Ti regalo a subbot ket ebidensia a talaga nga ay-ayatennatayo ni Jehova ken ni Jesus.

4 MASAPUL NGA AWATENTAYO TI SUBBOT

“Ti Dios . . . intedna ti bugbugtong nga Anakna, tapno tunggal maysa a mangwatwat [wenno, mangipakita] iti pammati kenkuana . . . ket maaddaan iti agnanayon a biag.”—Juan 3:16

Kasano a maipakitatayo nga agyamyamantayo iti subbot a regalo ti Dios?

  • Juan 17:3

    Am-ammuem ni Jehova ken ni Jesus, ken tuladem ida.

  • Lucas 22:19

    Atenderam ti tinawen a Pananglaglagip iti ipapatay ni Kristo.

  • Juan 3:36; Santiago 2:26

    Saanmo la koma a basta ibaga a mamatika ken Jesus. Aramidem ti insuro ni Jesus nga aramidentayo.