1 ADDA PANGGEP TI DIOS A PINARSUANATAYO

“Dagiti nalinteg tagikuaendanto ti daga, ket agtaengdanto nga agnanayon iti dayta.”—Salmo 37:29

Ania ti kayat ti Dios para kadagiti tattao?

  • Genesis 1:28

    Kayat ti Dios a pagbalinen dagiti tattao a paraiso ti daga ken aywananda dagiti animal.

  • Isaias 46:9-11; 55:11

    Aramidento ti Dios no ania ti kayatna para iti tao, ket awan ti makalapped kenkuana.

2 NO APAY A NARIGAT TI BIAG

“Ti intero a lubong adda iti pannakabalin daydiay nadangkes.”—1 Juan 5:19

Asino ti mangkonkontrol iti lubong?

  • Juan 12:31

    Inawagan ni Jesus ni Satanas kas agturay iti daytoy a lubong.

  • Santiago 1:13-15

    Kayat idi ni Satanas nga alaen ti saanna a kukua.

  • Genesis 2:17; 3:1-6

    Inallilaw ni Satanas ni Eva, nagsukir da Adan ken Eva iti Dios, ket idi agangay, natay da Adan ken Eva.

  • Roma 3:23; 5:12

    Mataytayo gapu iti natawidtayo a basol ken Adan.

  • 2 Corinto 4:3, 4

    Iyaw-awan ni Satanas dagiti tattao.

3 SOLBARENTO TI PAGARIAN TI DIOS TI PROBLEMA

“Umay koma ti pagariam. Maaramid koma ti pagayatam . . . iti daga.”—Mateo 6:10

Ania ti aramidento ni Jehova?

  • Daniel 2:44

    Suktanto ti gobierno ti Dios ti amin a gobierno ditoy lubong.

  • Apocalipsis 16:14-16

    Dadaelento ti Dios daytoy dakes a lubong inton Armagedon.

  • Isaias 9:6, 7

    Ni Jesus ti pinili ni Jehova nga agbalin nga Ari ti gobiernona idiay langit. Iturayanto ni Jesus ti daga.

4 PAGBALINENTO TI PAGARIAN TI DIOS A PARAISO TI DAGA

“Uk-ukradem ta imam ken pempennekem ti tarigagay ti tunggal sibibiag a banag.”—Salmo 145:16

Ania ti aramidento ti Pagarian ti Dios para kadatayo?