Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Dagiti Sumario iti What Can the Bible Teach Us?

18. Masapul Kadi nga Idedikarko ti Biagko iti Dios ken Agpabautisarak?

18. Masapul Kadi nga Idedikarko ti Biagko iti Dios ken Agpabautisarak?

1 MASAPUL KADI NGA AGPABAUTISARAK?

“Adtoy! Ti danum; ania ti makalapped kaniak a mabautisaran?”—Aramid 8:36

Apay ken kasano nga agpabautisarka?

Ipakita ti panagpabautisarmo a pinanawamon ti dati a panagbiagmo ken irugimon ti baro a panagbiag, ti panangaramid iti pagayatan ti Dios.

  • Mateo 28:19, 20

    Masapul nga agpabautisarka tapno makapagserbika ken Jehova.

  • Salmo 40:8

    Babaen iti panagpabautisarmo, ipakpakitam iti dadduma a kayatmo a pagserbian ti Dios.

  • Mateo 3:16

    Masapul a maitaneb, wenno maipalned, ti intero a bagim iti danum, kas ken Jesus idi.

2 SAAN NGA IPAARAMID NI JEHOVA TI SAANMO A KAYA NGA ARAMIDEN

“Daytoy ti kaipapanan ti ayat iti Dios, a tungpalentayo dagiti bilinna; ket kaskasdi a dagiti bilinna saanda a makapadagsen.”—1 Juan 5:3

Apay koma a dika agbuteng a mangidedikar iti biagmo ken Jehova?

  • Salmo 103:14; Isaias 41:10

    Saan a kasapulan nga agbalinka a perpekto tapno maidedikarmo ti biagmo ken Jehova. Tulongannaka a mangaramid iti husto.

  • Colosas 1:10

    Ti ayatmo ken Jehova ti tumulong tapno malabanam ti butengmo a baka madismayam isuna.

3 TI AGSASARUNO NGA ARAMIDEM NO KAYATMO TI MABAUTISARAN

“Ti panangaramid iti pagayatam, O Diosko, nagragsakak, ket ti lintegmo adda kadagiti makin-uneg a pasetko.”—Salmo 40:8

Ania ti masapul nga aramidem tapno maidedikarmo ti biagmo ken Jehova?

  • Juan 17:3

    ADALEM TI SAO TI DIOS

    Am-ammuem ni Jehova ken ni Jesu-Kristo. No ad-adu ti maammuam maipapan kadakuada, mas umuneg ti ayatmo kadakuada.

  • Hebreo 11:6

    MAADDAANKA ITI PAMMATI

    Agtalekka iti amin a pusom kadagiti kari ti Dios ken iti bileg ti daton ni Jesus a mangisalakan kadatayo iti basol ken patay.

  • Aramid 3:19

    AGBABAWIKA

    Kayatna a sawen, pagladingitam unay ti amin a nagkamaliam.

    TUMALLIKUDKA

    Kayatna a sawen, isardengmon ti aniaman a madi nga ar-aramidem ken aramidem no ania ti husto.

  • 1 Pedro 4:2

    IDEDIKARMO TI BIAGMO

    Idedikarmo ti biagmo ken Jehova no ikararagmo ti karim kenkuana nga isu ti pagdayawam ken ti kayatna ti pagbalinem a kapatgan iti biagmo.