Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Dagiti Sumario iti What Can the Bible Teach Us?

16. Piliem a Pagdayawan ti Dios

16. Piliem a Pagdayawan ti Dios

1 LIKLIKAM TI SAAN A PUDNO A PANAGDAYAW

“Rummuarkayo manipud iti tengngada, ket isinayo ti bagbagiyo, . . . ket isardengyo a sagiden ti di nadalus a banag.”—2 Corinto 6:17

Apay a dakes a pagdayawan dagiti imahen ken natay a kapuonan?

2 SAAN NGA AMIN A SELEBRASION KET KAYAT TI DIOS

“Itultuloyyo a siguraduen no ania ti makaay-ayo iti Apo.”—Efeso 5:10

Ania ti makatulong tapno makitam no mayat wenno saan ti makiraman iti maysa a selebrasion?

  • Ezequiel 44:23; 2 Corinto 6:14, 15

    Ammuem no nangrugi dayta kadagiti pagano wenno agdaydayaw kadagiti didiosen.

  • Exodo 32:2-10

    Uray no nasayaat ti motibo dagidiay nangirugi iti maysa a selebrasion, posible a saan a kayat dayta ti Dios.

  • Daniel 3:1-27

    Liklikam dagiti selebrasion a mangitan-ok kadagiti tattao, natauan nga organisasion, wenno simbolo ti pagilian.

  • 1 Timoteo 1:18, 19

    Usarem ti abilidadmo a mangilasin, ngem siguraduem a nadalus latta ti konsiensiam iti sango ni Jehova.

3 NASAYAAT KOMA TI PAMAY-AM A MANGILAWLAWAG ITI PATPATIEM

“Ti panagsaoyo kankanayon koma a mabuyogan iti kinaparabur, natemplaan iti asin, tapno ammoyo no kasano ti rebbengyo nga isusungbat iti tunggal maysa.”—Colosas 4:6

Kasanom nga ilawlawag dagiti patpatiem?

  • Mateo 7:12

    Respetuem ti desision ti dadduma no kasano a kayatmo a respetuendaka met.

  • 2 Timoteo 2:24

    Nasayaat koma ti panagsaom, ken dika makiapa gapu iti patpatiem.

  • 1 Pedro 3:15

    Naalumamay ken nadayawka koma no idepensam dagiti patpatiem.

  • Hebreo 10:24, 25

    Kadagiti Nakristianuan a gimong, mapatibker ti dadduma nga umat-atender ti pammatim ken matulongandaka tapno ammom ti ibagam no adda mangkuestionar iti patpatiem.