Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Dagiti Sumario iti What Can the Bible Teach Us?

14. Posible nga Agbalin a Naragsak ti Pamiliayo

14. Posible nga Agbalin a Naragsak ti Pamiliayo

1 NI JEHOVA TI NANGPARSUA ITI PAMILIA

“Gapu itoy agparintumengak iti Ama, a nakautangan ti tunggal pamilia idiay langit ken iti daga ti naganna.”—Efeso 3:14, 15

Kasano nga agbalin a naragsak ti pamiliam?

  • Genesis 1:26-28

    Pinarsua ni Jehova ti umuna a pamilia.

  • Efeso 5:1, 2

    Ti sekreto ti naragsak a pamilia ket ti panangtulad ken ni Jehova ken ni Jesus.

2 NO KASANO TI AGBALIN A NASAYAAT NGA ASAWA

“Ayaten koma ti tinunggal maysa kadakayo ti asawana a babai . . . Ti babai rebbeng nga addaan iti nauneg a panagraem iti asawana.”—Efeso 5:33

Kasano koma a tratuen ti agassawa ti maysa ken maysa?

  • Efeso 5:22-29

    Responsabilidad ti asawa a lalaki ti pamiliana. Masapul nga ayatenna ni baketna, ken masapul a suportaran met ni baketna dagiti desisionna.

  • Colosas 3:19; 1 Pedro 3:4

    Masapul a naayat ken nakonsiderarda iti tunggal maysa.

  • 1 Pedro 3:1, 2, 7

    Masapul nga ipakita ti agassawa ti dayaw ken respeto iti maysa ken maysa.

  • 1 Timoteo 5:8; Tito 2:4, 5

    Masapul nga ited ti asawa a lalaki ti kasapulan ti pamiliana. Masapul nga aywanan a naimbag ti asawa a babai ti pamiliana.

3 NO KASANO TI AGBALIN A NASAYAAT A NAGANNAK

“Dikay ruroden ti annakyo, no di ket itultuloyyo a padakkelen ida iti disiplina ken panangiturong-panunot ni Jehova.”—Efeso 6:4

Ania ti responsabilidad dagiti nagannak?

  • Deuteronomio 6:4-9; Proverbio 22:6

    Masapul nga adda orasyo a mangisuro kadagiti annakyo maipapan ken Jehova. Bayat nga ubbingda pay, anusanyo a tulongan ti tunggal maysa kadakuada nga agbalin a gayyem ni Jehova.

  • 1 Pedro 5:8

    Isurom kadagiti annakmo no kasanoda a maliklikan ti agbalin a biktima ti seksual a pannakaabuso ken dadduma pay a peligro.

  • Jeremias 30:11; Hebreo 12:9-11

    Nagpateg a disiplinaenyo ti annakyo ngem saankayo koma a naunget wenno naulpit.

4 NO ANIA TI EKSPEKTAREN TI DIOS KADAGITI ANNAK

“Annak, agtulnogkayo kadagiti nagannak kadakayo.”—Efeso 6:1

Annak, apay a masapul nga agbalinkayo a natulnog kadagiti nagannakyo?