Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Dagiti Sumario iti What Can the Bible Teach Us?

11. Apay a Nakaro ti Panagrigrigat?

11. Apay a Nakaro ti Panagrigrigat?

1 SAAN A NI JEHOVA TI PAGGAPGAPUAN TI PANAGRIGRIGAT

“Adayo koma iti pudno a Dios nga agtignay a sidadangkes, ken iti Mannakabalin-amin nga agtignay a di nainkalintegan!”—Job 34:10

Apay a nagkaro ti panagrigrigat wenno panagsagaba?

  • 1 Juan 5:19

    Ni Satanas a Diablo ti agturturay ditoy lubong.

  • Eclesiastes 8:9

    Tattao ti makagapu iti panagrigrigat ti dadduma.

  • Eclesiastes 9:11

    No dadduma, agpasar iti rigat dagiti tattao gapu ta nairana nga addada iti di umiso a lugar iti di umiso a tiempo.

  • 1 Pedro 5:7

    Ay-ayaten unay ni Jehova dagiti tattao. Dina kayat a makita nga agrigrigatda.

2 KINUESTIONARAN NI SATANAS TI KALINTEGAN NI JEHOVA A MANGITURAY

“Ammo ti Dios . . . a maluktan dagiti matayo ket sigurado nga agbalinkayo a kas iti Dios, a makaammo iti naimbag ken dakes.”—Genesis 3:5

Apay a saan a binay-an lattan ni Jehova ti panangkuestionar ni Satanas kenkuana?

  • Genesis 3:2-5

    Inakusaran ni Satanas ti Dios kas dakes nga agturay. Kayat ni Satanas a patien dagiti tattao a kalinteganda ti agdesision para iti bagida no ania ti naimbag wenno dakes.

  • Job 38:7

    Kinuestionaran ni Satanas ni Jehova iti sango ti minilion nga anghel.

3 NAPANEKNEKAN A KAMALI TI AKUSASION NI SATANAS

“Saan a kukua ti tao a magmagna uray ti panangiturong iti addangna.”—Jeremias 10:23

Apay a nakabaybayagen ti panagrigrigat dagiti tattao?

  • Isaias 55:9

    Adun ti napadasan dagiti tattao a klase ti gobierno, ngem saanda nga agballigi a mangituray iti daga no awan ti tulong ti Dios.

  • 2 Pedro 3:9, 10

    Naanus ni Jehova ken ik-ikkannatayo iti panawen a mangam-ammo kenkuana ken mangpili kenkuana kas Agturay kadatayo.

  • 1 Juan 3:8

    Usarento ni Jehova ni Jesus a mangikkat iti amin a dakes nga epekto dagiti inaramid ni Satanas.

4 USAREM TI WAYAWAYAM NGA AGPILI NGA AGSERBI KEN JEHOVA

“Agmasiribka, anakko, . . . tapno makaipaayak iti sungbat iti daydiay mangrurrurod kaniak.”—Proverbio 27:11

Apay a dinatay piliten ni Jehova nga agserbi kenkuana?

  • Proverbio 30:24

    Nakadepende ti ar-aramiden dagiti animal iti naisigud wenno nakaprograma kadakuada, ngem inikkannatayo ni Jehova iti wayawaya nga agpili. Datayo ti agdesision no agserbitayo kenkuana wenno saan.

  • Mateo 22:37, 38

    Kayat ni Jehova nga agserbitayo kenkuana gapu ta ay-ayatentayo isuna.