Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Tuladenyo ti Pammatida

Surat Manipud iti Bagi a Manarawidwid

Surat Manipud iti Bagi a Manarawidwid

Patgenmi a Kakabsat:

Iti umuna a ruar Ti Pagwanawanan a pangpubliko nga edision iti Enero 1, 2008, nangrugi dagiti makapabileg nga artikulo a napauluan iti “Tuladenyo ti Pammatida.” Sipud idin, pakaragsakantayo ti pannakaipablaak dagitoy a baro nga artikulo iti kada tallo a bulan!

Ania ti reaksion dagiti nakabasa? Kuna ti maysa a kabsat kalpasan a nabasana ti artikulo maipapan ken Marta: “Nakakatawaak idi nabasak, ngamin agpadakami, kanayon a kayatko ti agbalin a naimbag a manangsangaili ken okupado ngem malipatak no dadduma a kasapulan ti agsardeng tapno makilangen kadagiti gagayyem.” Kastoy ti naikuna ti maysa a tin-edyer kalpasan a nabasana ti estoria maipapan ken Ester: “Maawatak a no dadduma dagiti kawes ken kabaruan a moda laengen ti pampanunotentayo. Kayattayo a napintas ti badotayo; ngem ditay kayat ti aglablabes.” Innayonna pay: “Ipatpateg ni Jehova ti makin-uneg a kinataotayo.” Ti artikulo maipapan ken apostol Pedro ti nanggutugot iti maysa a Kristiano a babai a nagkuna: “Kasla karamanak a mismo iti dayta a salaysay. Mariknak ken makitkitak no ania dagiti mapaspasamak iti salaysay!”

Dagitoy a nagbasa—ken ti adu pay a nagsurat a nangyebkas iti panagyamanda iti daytoy a serye—paneknekanda ti insurat ni apostol Pablo: “Amin a bambanag a naisurat a nasaksakbay naisuratda a pakasursuruantayo.” (Roma 15:4) Wen, inraman ni Jehova dagitoy nga estoria iti Biblia tapno makasursurotayo kadagiti napateg a leksion. Amintayo kasano man kabayagtayon iti kinapudno ket makasursuro kadakuada.

Paregtaendakayo a mangbasa a dagus iti daytoy a libro apaman a maawatyo. Usarenyo daytoy iti Panagdaydayaw ti Pamiliayo ket sigurado a magustuan dagiti annakyo! Inton mapagadalan daytoy a libro iti Kongregasion, dikay lumangan! Basaenyo a naimbag ken dikay agap-apura. Utobenyo a naimbag; panunotenyo a karamankayo iti eksena. Padasenyo a riknaen no ania ti narikna ken nakita dagitoy a karakter ti Biblia. Idiligyo ti reaksionda iti napasamak iti kayatyo koma a maaramid.

Maragsakan kami a mangiranud kadakayo iti daytoy a libro. Agpaay koma daytoy a bendision kadakayo ken iti pamiliayo. Ay-ayatendakayo unay ken awatenyo ti nabara a kablaawmi,

Bagi a Manarawidwid Dagiti Saksi ni Jehova