Mapan iti linaonna

Mapan iti segundario a pagpilian

Dagiti Saksi ni Jehova

Iloko

Agpatingganto Pay Ngata ti Panagrigrigat?

Agpatingganto Pay Ngata ti Panagrigrigat?

Panagkunam . . .

  • wen?

  • saan?

  • siguro?

 TI KUNA TI BIBLIA

“Ti Dios . . . punasennanto ti amin a lua kadagiti matada, ket awanton ni patay, rigrigat, sangsangit, wenno ut-ot.”—Apocalipsis 21:3, 4, Contemporary English Version.

TI MAIPAAYNA KENKA NO PATIEM DAYTA

Masiguradotayo a saan a ti Dios ti mangipapaay kadagiti problematayo.—Santiago 1:13.

Maliwliwatayo gapu ta ammotayo a naan-anay a maawatan ti Dios ti panagrigrigattayo.—Zacarias 2:8.

Manamnamatayo nga agpatingganto ti amin a panagsagaba.—Salmo 37:9-11.

 MAPAGTALKANTAYO KADI TI KUNA TI BIBLIA?

Wen, gapu iti dua a rason:

  • Saan a kayat ti Dios ti panagrigrigat ken kinaawan hustisia. Ania ti narikna ni Jehova a Dios idi naparparigat dagiti agserserbi kenkuana idi un-unana? Kuna ti Biblia a nagladingit ti Dios gapu iti “pannakaidadanesda.”—Uk-ukom 2:18, Ti Baro a Naimbag a Damag Biblia.

    Kagurgura ti Dios dagidiay mangdangran iti padada a tao. Kas pagarigan, kuna ti Biblia a makarimon kenkuana dagiti “im-ima nga agibukbukbok iti awanan basol a dara.”—Proverbio 6:16, 17.

  • Maseknan ti Dios iti tunggal maysa kadatayo. Saan laeng a ti tunggal tao ti makaammo iti “bukodna a saplit ken ti bukodna a rigat” no di ket ammo met ni Jehova dagita!—2 Cronicas 6:29, 30.

    Babaen ti Pagarian ni Jehova, asidegen a pagpatinggaenna ti panagrigrigattayo. (Mateo 6:9, 10) Kabayatanna, sidudungngo a liwliwaenna dagidiay sipapasnek a mangsapsapul kenkuana.—Aramid 17:27; 2 Corinto 1:3, 4.

 PANUNOTEM

Apay nga ipalpalubos ti Dios ti panagrigrigat?

Sungbatan dayta ti Biblia iti ROMA 5:12 ken 2 PEDRO 3:9.

Ammuem ti Ad-adu Pay

NAIMBAG A DAMAG MANIPUD ITI DIOS

Apay nga Ipalpalubos ti Dios ti Kinadakes ken Panagsagaba?

Kasano a nangrugi ti kinadakes, ken apay nga ipalpalubos dayta ti Dios? Agpatingganto ngata ti panagsagaba?