Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Ania ti Sekreto ti Naragsak a Pamilia?

Ania ti Sekreto ti Naragsak a Pamilia?

Panagkunam . . .

  • ayat?

  • kuarta?

  • adda pay sabali?

 TI KUNA TI BIBLIA

“Naragsak dagidiay dumdumngeg iti sao ti Dios ken mangsalsalimetmet iti dayta!”—Lucas 11:28, Baro a Lubong a Patarus.

TI MAIPAAYNA KENKA NO PATIEM DAYTA

Maadda ti napudno nga ayat.—Efeso 5:28, 29.

Maadda ti napasnek a panagraem.—Efeso 5:33.

Maadda ti napaypayso a panagtalek.—Marcos 10:6-9.

 MAPAGTALKANTAYO KADI TI KUNA TI BIBLIA?

Wen, gapu iti dua a rason:

  • Ti Dios ti Namunganay iti pamilia. Kuna ti Biblia a ni Jehova a Dios ti “nakautangan ti tunggal pamilia . . . ti naganna.” (Efeso 3:14, 15) Iti sabali a pannao, naadda ti pamilia gapu ta ni Jehova ti nangbuangay iti dayta. Apay a napateg dayta?

    Usigem: No makaramanka iti naimas a putahe ket kayatmo a maammuan dagiti ramen ken rekadona, siasino ti pagdamagam? Siempre, daydiay nagluto.

    Umasping iti dayta, no kayattayo a maammuan dagiti ramen ti naragsak a pamilia, ammuentayo dagita ken Jehova ta isu ti Namunganay iti urnos ti pamilia.—Genesis 2:18-24.

  • Maseknan ti Dios kadakayo. Pagsayaatan dagiti pamilia no agpabalakadda ken Jehova babaen ti Saona. Apay? “Agsipud ta isu maseknan kadakayo.” (1 Pedro 5:6, 7) Sipapanunot ni Jehova iti pagimbaganyo—ket kanayon a pagsayaatantayo dagiti balakadna!—Proverbio 3:5, 6; Isaias 48:17, 18.

 PANUNOTEM

Kasanoka nga agbalin a nasayaat nga asawa a lalaki, asawa a babai, wenno nagannak?

Sungbatan dayta ti Biblia iti EFESO 5:1, 2 ken COLOSAS 3:18-21.

Ammuem ti Ad-adu Pay

Posible nga Agbalin a Naragsak ti Pamiliam

Agbalin a naragsak ti panagasawam ken pamiliam no iyaplikarmo dagiti prinsipio ti Biblia.