Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 22

Ania ti Maas-asikaso iti Sanga nga Opisina?

Ania ti Maas-asikaso iti Sanga nga Opisina?

Solomon Islands

Canada

South Africa

Dagiti miembro ti pamilia ti Bethel ket agserserbi iti nagduduma a departamento, a mangimatmaton iti trabaho a panangasaba iti maysa wenno sumagmamano a pagilian. Mabalin a ti dadduma kadakuada ket agipatpatarus, adda met dagiti agtrabtrabaho kadagiti pagimprentaan, bodega dagiti literatura, agar-aramid iti audio ken video a publikasion, ken dadduma pay.

Ti aktibidadda ket imatmatonan ti Komite ti Sanga. Ti Bagi a Manarawidwid intalekna iti Komite ti Sanga, a buklen ti tallo wenno ad-adu pay a kualipikado a panglakayen, ti panagandar ti tunggal sanga nga opisina. Daytoy a komite ti mangireport iti Bagi a Manarawidwid iti nagrang-ayan ti aktibidad iti tunggal pagilian a sakup ti maysa a sanga nga opisina ken ti aniaman a problema a mabalin a tumaud. Dagita a report ket makatulong iti Bagi a Manarawidwid a mangikeddeng no ania a topiko ti maidatagto kadagiti publikasion ken kadagiti gimong ken asamblea. Adda met pannakabagi ti Bagi a Manarawidwid a sumarsarungkar kadagiti sanga nga opisina ken mangipapaayda iti balakad kadagiti Komite ti Sanga no kasanoda nga asikasuen dagiti annongenda. (Proverbio 11:14) Adda mayur-urnos nga espesial a programa a pakairamanan ti palawag ti pannakabagi ti hedkuarter a pakaparegtaan dagiti adda iti teritoria ti sanga nga opisina.

Supsuportaranna dagiti lokal a kongregasion. Dagiti responsable a kakabsat a lallaki nga agtrabtrabaho iti sanga nga opisina ti mangaprobar iti pannakabuangay dagiti baro a kongregasion. Imatmatonanda met ti aktibidad dagiti payunir, misionero, ken manangaywan iti sirkito nga agserserbi iti teritoria ti sanga nga opisina. Iyur-urnosda dagiti asamblea ken kombension, or-organisarenda ti pannakaibangon dagiti baro a Kingdom Hall, ken sigsiguraduenda a dagiti literatura ket maipatulod kadagiti kongregasion. Amin a trabaho iti sanga nga opisina ket makatulong tapno naurnos ken naballigi ti trabaho a panangasaba.—1 Corinto 14:33, 40.

  • Kasano a tumultulong dagiti Komite ti Sanga iti Bagi a Manarawidwid?

  • Ania dagiti maas-asikaso iti sanga nga opisina?