Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 13

Ania ti Payunir?

Ania ti Payunir?

Canada

Panagbalaybalay

Panangyadal iti Biblia

Personal a panagadal

Ti termino a “payunir” masansan a tukoyenna dagidiay mangtaktakkuat kadagiti baro a teritoria a suroten dagiti dadduma. Ni Jesus ket kas iti payunir, gapu ta naibaon ditoy daga tapno itungpalna ti ministerio a makaited iti biag ken pannakaisalakan. (Mateo 20:28) Dagiti pasurot ni Jesus ita tultuladenda met ti ulidanna babaen ti panangbusbosda iti adu a panawen aginggat’ mabalin a ‘mangaramid kadagiti adalan.’ (Mateo 28:19, 20) Adda pay ketdi dagiti agserserbi kas payunir.

Ti payunir ket agserserbi kas amin-tiempo nga ebanghelisador. Amin a Saksi ni Jehova ket agibumbunannag iti naimbag a damag. Nupay kasta, adda dagiti nangikeddeng nga agserbi kas regular pioneer, a mangbusbos iti 70 nga oras a mangasaba iti kada bulan. Tapno maaramidda daytoy, adu dagiti agtrabtrabaho laeng iti part-time. Adda met dagiti napili nga agserbi kas special pioneer kadagiti lugar nga agkasapulan iti ad-adu a mangikasaba iti Pagarian. Mangbusbosda iti 130 nga oras wenno ad-adu pay a mangasaba iti kada bulan. Kontento dagiti payunir iti simple a biag, nga agtalekda nga ipaay ni Jehova dagiti kangrunaan a kasapulanda. (Mateo 6:31-33; 1 Timoteo 6:6-8) Dagidiay saan a makapagpayunir iti amin a tiempo ket mabalin nga agserbi kas auxiliary pioneer no kabaelanda. Mangbusbosda iti 30 wenno 50 nga oras iti maysa a bulan.

Ti maysa a payunir ket agserserbi gapu iti ayatna iti Dios ken kadagiti tattao. Kas ken Jesus, makitkitami ita ti nakaay-ay-ay a kasasaad dagiti tattao iti naespirituan. (Marcos 6:34) Ngem addaankami iti pannakaammo a makatulong kadakuada itan ken mangted kadakuada iti natalged a namnama iti masanguanan. Ti ayat iti pada a tao ti mangtigtignay iti maysa a payunir a mangusar iti tiempo ken pigsana a tumulong kadagiti tattao iti naespirituan. (Mateo 22:39; 1 Tesalonica 2:8) Gapu iti panangaramidna iti daytoy, ad-adda a tumibker ti pammatina, ad-adda a suminged iti Dios, ken ad-adda nga agbalin a naragsak.—Aramid 20:35.

  • Ania ti payunir?

  • Ania ti mangtigtignay kadagiti dadduma nga agpayunir iti amin a tiempo?

Ammuem ti Ad-adu Pay

Ti Panagpayunir Pabilgenna ti Relasiontayo iti Dios

Usigem ti walo a pamay-an no kasano a ti panagpayunir pabilgenna ti relasionmo ken Jehova. Ania ti makatulong kenka a makapagtultuloy iti daytoy makagunggona a kita ti panagserbi?