Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 10

Ania ti Panagdaydayaw ti Pamilia?

Ania ti Panagdaydayaw ti Pamilia?

South Korea

Brazil

Australia

Guinea

Idi pay un-unana a kayat ni Jehova nga agtataripnong ti tunggal pamilia tapno pabilgenda ti espiritualidadda ken patibkerenda ti sangakabbalayanda. (Deuteronomio 6:6, 7) Dayta ti gapuna a linawas a mangilatlatang dagiti Saksi ni Jehova iti panawen nga agdaydayaw kas pamilia, tapno nawayada a mangadal kadagiti naespirituan a bambanag a maitutop iti kasapulanda. Uray no agmaymaysaka, mabalinmo latta nga usaren dayta a panawen para ken Jehova. Mabalinmo ti mangpili iti maysa a topiko iti Biblia a kayatmo nga adalen.

Gundawaymo daytoy nga umadani ken Jehova. “Umadanikayo iti Dios, ket isu umadaninto kadakayo.” (Santiago 4:8) Ad-adda a maam-ammotayo ni Jehova no ammotayo dagiti detalye maipapan iti personalidadna ken dagiti aramidna babaen kadagiti binulong ti Biblia. Ti nalaka a pamay-an a panangirugi iti panagdaydayaw ti pamilia ket ti sangsangkamaysa a panangbasa a sipipigsa iti Biblia, a nalabit surotenyo ti linawas nga eskediul ti Gimong a Panagbiag ken Ministerio. Mabalin nga adda batang ti tunggal miembro ti pamiliayo nga agbasa sa pagsasaritaanyo dagiti nasursuroyo manipud iti Kasuratan.

Gundawayyo daytoy a mangpasinged iti relasionyo kas pamilia. Tumibker ti relasion dagiti agassawa, kasta met dagiti nagannak ken annak, no agadalda iti Biblia a sangapamiliaan. Masapul a naragsak ken makapagagar daytoy a panagadal iti tunggal lawas. Depende iti edad dagiti ubbing, mabalin a mangpili dagiti nagannak kadagiti praktikal a topiko nga adalenda, a nalabit usarenda dagiti benneg Ti Pagwanawanan ken Agriingkayo! wenno ti website a jw.org. Mabalin a pagsasaritaanyo ti problema dagiti annakyo iti eskuelaan no ania ti aramidenda. Mabalin a buyaenyo ti maysa a programa iti JW Broadcasting (tv.jw.org) sa pagsasaritaanyo dayta. Mabalinyo met a tagiragsaken nga ensayuen dagiti kanta a makanta kadagiti gimong ken agmeriendakayo kalpasan ti panagdaydayawyo kas pamilia.

Daytoy a naisangsangayan a panawen iti tunggal lawas para iti panagdaydayaw ken Jehova a sangsangkamaysa ket makatulong iti amin a miembro ti pamilia a maragsakan a mangadal iti Sao ti Dios. Ken sibabaknang a bendisionan ni Jehova ti panagreggetyo.—Salmo 1:1-3.

  • Apay a mangilatangtayo iti panawen para iti panagdaydayaw ti pamilia?

  • Ania ti aramiden dagiti nagannak tapno naragsak ti panagadalda kas pamilia?

Ammuem ti Ad-adu Pay

No Kasano nga Agbalin a Naragsak ti Biag ti Pamiliayo

Ti ayat nga impakita ni Jesus ket nasayaat a tuladen dagiti assawa a lallaki, assawa a babbai, nagannak, ken annak. Ania ti masursurotayo kenkuana?