Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 24

Paggapgapuan ti Pondo Para iti Sangalubongan a Trabahomi?

Paggapgapuan ti Pondo Para iti Sangalubongan a Trabahomi?

Nepal

Togo

Britain

Tinawen a mangipabpablaak ken agiwarwaras ti organisasionmi iti ginasut a milion a Biblia ken dadduma pay a publikasion nga awan bayadna. Agibangbangon ken manmantenerenmi dagiti Kingdom Hall ken sanga nga opisina. Rinibu a Bethelite ken misionero ti supsuportaranmi, ken mangmangtedkami kadagiti saranay no adda didigra. Isu a nalabit pampanunotem, ‘Paggapgapuan ngata ti pondoda?’

Saankami a mangal-ala iti apagkapullo, agpabpabayad, wenno agkolkolekta. Nupay dakkel ti magasto iti panangsuportami iti trabaho a panangasaba, saankami nga agur-ur-or. Nasurok a sangagasut a tawenen ti napalabas, kinuna ti maikadua a ruar ti magasin a Pagwanawanan a patienmi a supsuportaran ni Jehova ti trabahomi isu a “pulos a [saankaminto] a dumawat wenno umararaw maipaay iti tulong ti tao”—ket talaga a saanmi nga inaramid dayta!—Mateo 10:8.

Dagiti aktibidadmi ket supsuportaran ti boluntario a donasion. Adu a tattao ti mangap-apresiar iti trabahomi a panangisuro iti Biblia ken mangmangtedda iti donasion. Uray dagiti Saksi a mismo, maragsakanda a mangusar iti panawen, pigsa, sanikua, ken dadduma pay a material nga ik-ikutanda tapno maaramidda ti pagayatan ti Dios iti intero a daga. (1 Cronicas 29:9) Iti Kingdom Hall ken kadagiti asamblea ken kombensionmi, adda dagiti kahon a pagitinnagan iti kontribusion dagiti amin a mayat a mangted iti donasion. Wenno mabalin met ti mangted iti donasion babaen iti website a jw.org. Kaaduanna a dagiti donasion ket inted dagiti saan a baknang, kas iti napanglaw a balo nga inapresiar unay ni Jesus gapu iti panangipisokna iti dua a sinsilio a bassit ti pategna iti baul ti gameng ti templo. (Lucas 21:1-4) Gapuna, mabalin a regular a “mangilasin” ti maysa a tao iti itedna a donasion sigun “iti inkeddengna iti pusona.”—1 Corinto 16:2; 2 Corinto 9:7.

Kombinsidokami nga itultuloy ni Jehova a tignayen ti puso dagidiay mayat a ‘mangpadayaw kenkuana iti napapateg a bambanagda’ kas panangsuporta iti trabaho ti Pagarian tapno maibanag ti pagayatanna.—Proverbio 3:9.

  • Ania ti nakaidumaan ti organisasionmi iti dadduma a relihion?

  • Ania ti pakaus-usaran dagiti boluntario a kontribusion?

Ammuem ti Ad-adu Pay

Video Clip: Pagtataudan ti Pondo Para iti Trabaho Dagiti Saksi ni Jehova

Ammuem no pagtataudan ti pondomi ken no kasano a maus-usar dagitoy iti intero a lubong.

Dagiti Magasinmi

I-download ti magasin a Pagwanawanan ken Agriingkayo!