Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 6

Kasanokami a Magunggonaan iti Pannakitimpuyogmi Kadagiti Kapammatianmi?

Kasanokami a Magunggonaan iti Pannakitimpuyogmi Kadagiti Kapammatianmi?

Madagascar

Norway

Lebanon

Italy

Regular a tabtabunuanmi dagiti gimongmi uray no masapul a pagnaenmi dagiti nasamek a kabakiran wenno sarakusokenmi ti saan a nasayaat a paniempo. Uray no adda dagiti problemami ken mabambannogkami iti agmalem a panagtrabahomi, apay nga ikagkagumaanmi ti makitimpuyog kadagiti kapammatianmi?

Pagsayaatanmi dayta. Insurat ni Pablo kadagiti miembro ti kongregasion: “Agpipinnanunottayo koma.” (Hebreo 10:24) Dagitoy a sasao kaipapananna nga am-ammuentayo a naimbag ti maysa ken maysa. Gapuna, parparegtaennatayo ti apostol a maseknantayo koma kadagiti sabsabali. No am-ammuentayo dagiti dadduma a Kristiano a pamilia, maammuantayo a napagballigian ti sumagmamano kadakuada dagiti problema nga umasping iti problematayo isu a matulongandatayo met a mangrisut kadagita.

Maaddaankami iti natibker a panaggagayyem. Kadagiti gimongmi, agtataripnongkami saan laeng a kas agaammo, no di ket kas nasinged nga aggagayyem. Adda met dagiti gundaway nga agkakaduakami tapno aglinglingay. Ania ti pagsayaatan ti kasta a panagkakadua? Ad-adda a maapresiarmi ti tunggal maysa, ket dayta ti mangpatibker iti singgalut ti ayatmi. Ken gapu ta natibker ti panaggagayyemmi, sidadaankami nga agtitinnulong no adda problema. (Proverbio 17:17) Babaen ti pannakitimpuyogmi kadagiti kakongregasionmi, ipakpakitami nga addaankami “iti isu met laeng a panangisakit iti maysa ken maysa.”—1 Corinto 12:25, 26.

Sapay koma ta ti piliem a gagayyem ket dagidiay mangar-aramid iti pagayatan ti Dios. Masarakam dagiti kasta a gagayyem kadagiti Saksi ni Jehova. Awan koma ti makalapped iti pannakitimpuyogmo kadakami.

  • Ania ti nasayaat nga epekto ti panagtitimpuyogmi kadagiti gimongmi?

  • Kaanoka a makigimong tapno maam-ammom dagiti Saksi?

Ammuem ti Ad-adu Pay

GIMONG

Ania ti Maar-aramid Kadagiti Taripnong Dagiti Saksi ni Jehova?

Ammuem no kasano ti panagdaydayawmi.