Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 23

Kasano a Maisursurat ken Maipatpatarus Dagiti Literaturami?

Kasano a Maisursurat ken Maipatpatarus Dagiti Literaturami?

Writing Department, U.S.A.

South Korea

Armenia

Burundi

Sri Lanka

Tapno maaramidmi ti amin a kabaelanmi a mangiwaragawag iti “naimbag a damag . . . iti tunggal nasion ken tribu ken pagsasao ken ili,” mangipabpablaakkami kadagiti literatura iti nasurok a 750 a lenguahe. (Apocalipsis 14:6) Kasanomi nga ar-aramiden daytoy a narigat a trabaho? Babaen iti tulong dagiti mannurat iti nagduduma a pagilian ken dagiti nagaget ken napasnek nga agipatpatarus—nga amin ket Saksi ni Jehova.

Maisurat ti material iti Ingles. Ti Bagi a Manarawidwid iwanwanwanna ti aktibidad ti Writing Department iti sangalubongan a hedkuartermi. Daytoy a departamento ti mangyur-urnos kadagiti annongen dagiti mannurat nga agserserbi iti hedkuarter ken iti sumagmamano a sanga nga opisina. Gapu ta nagduduma a pagilian ti ayan dagiti mannurat, naglaon dagiti publikasionmi kadagiti topiko a paginteresan dagiti tattao, aniaman ti pagilian wenno kulturada.

Maipatulod ti material kadagiti agipatpatarus. Apaman a ma-edit ken maaprobaran ti material, maipatulod daytoy babaen iti kompiuter kadagiti grupo dagiti agipatpatarus iti intero a lubong. Ipatarus, korehiren, ken basaenda ti material. Ikagkagumaanda nga usaren dagiti “umiso a sasao ti kinapudno” a mangipatarus iti eksakto a kaipapanan ti Ingles.—Eclesiastes 12:10.

Dagiti kompiuter ti mangpapartak iti proseso. Ti kompiuter ket saan a nalalaing ngem kadagiti mannurat ken agipatpatarus. Ngem daytoy ti mangpapartak iti trabahoda babaen kadagiti elektroniko a diksionario, computer program, ken dagiti material a mausar iti panagsirarak. Nangaramid dagiti Saksi ni Jehova iti maysa a program a maaw-awagan iti Multilanguage Electronic Publishing System (MEPS) a pakaiserrekan dagiti material a naipatarus iti ginasut a lenguahe, agraman dagiti artwork, sa maisagana para iti pannakayimprenta.

Apay nga ar-aramidenmi daytoy, uray kadagiti lenguahe a sumagmamano a ribu laeng ti agsasao iti kasta? Gapu ta pagayatan ni Jehova a “maisalakan koma dagiti amin a kita ti tattao ken dumtengda iti umiso a pannakaammo iti kinapudno.”—1 Timoteo 2:3, 4.

  • Kasano a maisursurat dagiti publikasionmi?

  • Apay a maipatpatarus dagiti literaturami iti nakaad-adu a lenguahe?