Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 15

Kasano nga Agserserbi Dagiti Panglakayen iti Kongregasion?

Kasano nga Agserserbi Dagiti Panglakayen iti Kongregasion?

Finland

Panangisuro

Panangipastor

Panangasaba

Awan ti agsusueldo a klero iti organisasionmi. Imbes ketdi, kas idi kabbuangay ti kongregasion Kristiano, dagiti kualipikado a lallaki ket nadutokan a ‘mangipastor iti kongregasion ti Dios.’ (Aramid 20:28) Dagitoy a panglakayen ket nataengan iti naespirituan a mangidadaulo ken mangipaspastor iti kongregasion, a “saan a mapilpilit, no di ket situtulok; saan met nga iti panagayat iti nakusit a gunggona, no di ket sigagagar.” (1 Pedro 5:1-3) Ania ti ar-aramidenda nga agpaay kadakami?

As-asikasuen ken ay-aywanandakami. Ti intero a kongregasion ket intalek ti Dios kadagiti panglakayen, isu nga iwanwanwanda daytoy ken salsalaknibanda iti naespirituan. Saan met nga ibilang dagiti panglakayen a nangatngato ti saadda ngem kadagiti dadduma isu a naragsak dagiti miembro ti kongregasion. (2 Corinto 1:24) Kas iti pastor a nagaget a mangas-asikaso iti tunggal karnerona, ikagkagumaan met dagiti panglakayen nga am-ammuen ti tunggal miembro ti kongregasion.—Proverbio 27:23.

Sursuruandakami a mangaramid iti pagayatan ti Dios. Linawas a mangidadaulo dagiti panglakayen kadagiti gimong iti kongregasion tapno mapatibker ti pammatimi. (Aramid 15:32) Idadaulo met dagitoy a nareregta a lallaki ti trabahomi a panangasaba. Kadkaduaen ken sansanayendakami pay iti amin a benneg ti ministeriomi.

Patpatibkerenda ti tunggal maysa kadakami. Tapno maasikaso ti naespirituan a kasapulanmi, adda dagiti gundaway a kasaritadakami dagiti panglakayen iti pagtaenganmi wenno idiay Kingdom Hall tapno tulongan ken liwliwaendakami manipud iti Kasuratan.—Santiago 5:14, 15.

Malaksid iti responsabilidadda iti kongregasion, ti kaaduan a panglakayen ket addaan iti trabaho ken pamilia a masapul nga asikasuenda. Isu a rumbeng laeng a raemenmi dagitoy a nagagaget a kakabsat.—1 Tesalonica 5:12, 13.

  • Ania ti akem dagiti panglakayen iti kongregasion?

  • Kadagiti ania a pamay-an nga ipakpakita dagiti panglakayen ti pannakaseknanda kadakami?

Ammuem ti Ad-adu Pay

Kasano ti Pannakaorganisar Dagiti Kongregasion Dagiti Saksi ni Jehova?

Ammuem no kasano nga umaw-awatkami iti pannarabay ken instruksion babaen iti daytoy nga urnos.

Bautismo ken ti Relasionmo iti Dios

Ania ti aramidem tapno makualipikarka iti Nakristianuan a bautismo? Ammuem no ania ti isimsimbolona ken no kasano a maar-aramid dayta.