Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 18

Kasanomi a Tultulongan Dagiti Kakabsatmi nga Agkasapulan?

Kasanomi a Tultulongan Dagiti Kakabsatmi nga Agkasapulan?

Dominican Republic

Japan

Haiti

No adda didigra, dagus a mangipapaay dagiti Saksi ni Jehova iti saranay kadagiti kakabsatda a naapektaran. Ipakita dayta a napaypayso ti ayatda iti tunggal maysa. (Juan 13:34, 35; 1 Juan 3:17, 18) Kadagiti ania a pamay-an a tumultulongkami?

Mangmangtedkami iti donasion. Idi adda nakaro a bisin idiay Judea, dagiti nagkauna a Kristiano idiay Antioquia ket nangipatulod iti material a tulong kadagiti kakabsatda iti naespirituan. (Aramid 11:27-30) Umasping iti dayta, no madamagmi nga agsagsagaba dagiti kakabsatmi iti dadduma a paset ti lubong, mangipatpatulodkami iti donasion babaen ti kongregasionmi tapno maipaay dagiti material a kasapulanda.—2 Corinto 8:13-15.

Mangipapaaykami iti praktikal a tulong. Dagiti panglakayen nga agnanaed iti lugar nga apektado iti didigra siguraduenda a natalged ti tunggal miembro ti kongregasion. Adda relief committee a mangyur-urnos iti panangipaay iti taraon, nadalus a danum, kawes, pagdagusan, ken agas. Adu a Saksi nga addaan iti paglaingan ti agbolboluntario a tumulong iti panangsaranay ken panangtarimaan kadagiti nadadael a pagtaengan ken Kingdom Hall. Bukodda ti gastosda. Gapu ta agkaykaysakami ken masansan nga agtitinnulongkami, dagus a makapagtignaykami a sumaranay no kasapulan. Nupay tultulonganmi dagiti kapammatianmi, tumultulongkami met kadagiti saanmi a kapammatian no kasapulan.—Galacia 6:10.

Mangipapaaykami iti espiritual ken emosional a tulong. Agkasapulan unay iti liwliwa dagiti biktima ti didigra. Kadagiti kasta a kasasaad, ni Jehova, a “Dios ti amin a liwliwa,” ti pagtataudan ti pigsami. (2 Corinto 1:3, 4) Siraragsakkami a mangiranud kadagiti kari ti Biblia kadagidiay agsagsagaba, a mangipaay kadakuada iti namnama a mabiiten a pagpatinggaen ti Pagarian ti Dios ti amin a trahedia a mangparparigat kadagiti tattao.—Apocalipsis 21:4.

  • Apay a makapagtignay a dagus dagiti Saksi no adda didigra?

  • Ania a naespirituan a liwliwa ti maipaaymi kadagiti biktima ti didigra?