Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 26

Kasanomi a Manmanteneren ti Kingdom Hall-mi?

Kasanomi a Manmanteneren ti Kingdom Hall-mi?

Estonia

Zimbabwe

Mongolia

Puerto Rico

Makita ti nasantuan a nagan ti Dios iti tunggal Kingdom Hall dagiti Saksi ni Jehova. Gapuna, ibilangmi a pribilehio ken napateg a paset ti sagrado a panagdaydayawmi ti panangtaginayon a nadalus, presentable, ken nasayaat ti kasasaad ti Kingdom Hall-mi. Mabalin a tumulong ti amin.

Agdaldaluskami kalpasan ti gimong. Kalpasan ti gimongmi, pagragsakan dagiti kakabsat a dalusan ti Kingdom Hall-mi. Ken maminsan iti kada lawas a madalusan a naimbag dayta. Adda panglakayen wenno ministerial nga adipen a mangorganisar iti panagdalus. Gagangay nga adda sursurotenna a checklist. Adda dagiti agbolboluntario nga agsagad, agnasnas, wenno ag-vacuum, agpunas, agurnos iti tugaw, agdalus iti kasilias, agdalus kadagiti tawa, agibelleng iti basura, wenno agdalus iti arubayan. Ken maminsan wenno ad-adu pay a daras iti makatawen nga adda maaramid a general cleaning. Kaduami dagiti annakmi nga agdalus. Iti kasta, maisuromi ida a mangraem iti lugar a pagdaydayawanmi.—Eclesiastes 5:1.

Tumultulongkami nga agtarimaan. Tinawen a masukimat a naimbag ti uneg ken ruar ti Kingdom Hall. Regular a maar-aramid daytoy tapno makita no adda kasapulan a tarimaanen sakbay a kumaro, iti kasta, maliklikan ti dakkel a paggastuan. (2 Cronicas 24:13; 34:10) Ti nadalus ken nasayaat ti pannakamantenerna a Kingdom Hall ket maitutop a pagdaydayawanmi iti Dios. No makiramankami iti daytoy a trabaho, maipakitami nga ay-ayatenmi ni Jehova ken ipatpategmi ti lugar a pagdaydayawanmi. (Salmo 122:1) Makaipaay met daytoy iti nasayaat nga impresion iti komunidad.—2 Corinto 6:3.

  • Apay a saanmi a baybay-an ti lugar a pagdaydayawanmi?

  • Ania dagiti naaramid nga urnos tapno agtalinaed a nadalus ti Kingdom Hall?

Ammuem ti Ad-adu Pay