Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Siasino Ita Dagiti Mangar-aramid iti Pagayatan ni Jehova?

 LEKSION 12

Kasano ti Pannakaorganisar ti Trabahomi a Panangasaba?

Kasano ti Pannakaorganisar ti Trabahomi a Panangasaba?

Spain

Belarus

Hong Kong

Peru

Kinuna ni Jesus sakbay ti ipapatayna: “Daytoy naimbag a damag ti pagarian maikaskasabanto iti intero a mapagnaedan a daga maipaay a pangsaksi kadagiti amin a nasion; ket iti kasta umayton ti panungpalan.” (Mateo 24:14) Ngem kasano a maibanag daytoy a sangalubongan a trabaho a panangasaba? Babaen ti panangsurot iti padron nga impasdek ni Jesus idi adda ditoy daga.—Lucas 8:1.

Mapmapankami iti balay dagiti tattao. Sinanay ni Jesus dagiti adalanna a mangasaba iti binalaybalay. (Mateo 10:11-13; Aramid 5:42; 20:20) Adda naituding a teritoria a pangasabaanda. (Mateo 10:5, 6; 2 Corinto 10:13) Umasping iti dayta, organisado met ti trabahomi a panangasaba. Ti tunggal kongregasion ket addaan iti teritoria a pangasabaanda. Babaen iti daytoy, maitungpalmi ti bilin ni Jesus a “mangasabakami kadagiti tattao ken mangipaay iti naan-anay a pangsaksi.”—Aramid 10:42.

Kaskasabaanmi dagiti tattao sadinoman ti pakasarakanmi kadakuada. Nangipaay met ni Jesus iti ulidan iti panangasaba kadagiti tattao iti publiko a lugar, kas iti igid ti baybay wenno iti abay ti bubon. (Marcos 4:1; Juan 4:5-15) Kaskasabaanmi met dagiti tattao sadinoman ti pakasarakanmi kadakuada—kadagiti lansangan, kadagiti lugar ti negosio, kadagiti parke, wenno babaen ti telepono. Kaskasabaanmi met dagiti kaarruba, katrabahuan, kaklase, ken kakabagianmi no adda maitutop a gundaway. Babaen ti panangikagumaanmi a mangaramid kadagitoy, minilion a tattao iti intero a daga ti nakangngegen iti ‘naimbag a damag ti panangisalakan.’—Salmo 96:2.

Adda kadi mapanunotmo a kayatmo a pangiranudan iti naimbag a damag maipapan iti Pagarian ti Dios? Ilawlawagmo kenkuana no ania ti epekto dayta iti masakbayanna. Saanmo a bukbukodan daytoy a mensahe a mangted iti namnama. Iranudmo daytoy iti kabiitan a panawen aginggat’ mabalin!

  • Ania a “naimbag a damag” ti masapul a maiwaragawag?

  • Kasano a tultuladen dagiti Saksi ni Jehova ti pamay-an ni Jesus a nangasaba?

Ammuem ti Ad-adu Pay

Dagiti Saksi ni Jehova—Organisado a Mangikasaba iti Naimbag a Damag

Pagaammo dagiti Saksi ni Jehova gapu iti sangalubongan a trabahoda a panangisuro iti Biblia. Kasano a maor-organisar, maiwanwanwan, ken maponponduan ti aktibidadda?